Қостанай облысында ӘМАТ бағасының өсуін тежеу үшін "айналым схемасына" 1,3 млрд. теңге бөлінді

Әлеуметтік маңызы бар азық - түлік тауарларына бағаның өсуін тежеудің тиімді құралдарының бірі сауда объектілеріне "айналым схемасы" арқылы жеңілдікпен кредит беру-әкімдіктердің сауда жүйесіне қатысушылар үшін жеңілдікті пайызбен қарыз қаражатын бөлуі болып табылады.

Бұл сауда желілеріне жергілікті өндірушілерден сатып алынатын өнім көлемін, оның ішінде форвардтық келісімшарттар жасасу арқылы кеңейтуге, ал өндірушілерге өз тауарларына босату бағасын белгілеуге мүмкіндік береді.

Жеңілдікті қарыздар ала отырып, сауда желілері өнімнің жекелеген түрлерінің белгілі бір көлеміне бағаны ұстап тұру бойынша қарсы міндеттемелерді өзіне алады.

Нәтижесінде бұл тауарлар нарық бағасынан орташа 15-20% - ға төмен бағамен сатылады. Жеңілдетілген несиенің орнына белгілі бір өнім көлемін төмендетілген белгіленген бағамен жеткізуге міндеттенетін өндірушілермен ұқсас жағдай.

Естеріңізге сала кетейік, мұндай схема өндірушілер мен желілер үшін айналым қаражатын береді, оларға бағаны теңдестірудің орта мерзімді және ұзақ мерзімді бағдарламаларын құруға мүмкіндік береді. Осылайша, әлеуметтік маңызы бар азық-түлік тауарларының құны шарт жасасу кезінде белгіленеді. Бұл маусымдық бағаның айтарлықтай ауытқуын болдырмауға мүмкіндік береді.

Қостанай облысы бойынша" айналым схемасына " 1,3 млрд.теңге бөлінді.

"Айналым схемасы" бойынша өндірушілер мен кәсіпкерлерге 1984 млн.теңге сомасында жеңілдікті қарыздар бөлінді.

Анықтама: "RAUZET Сауда" ЖШС 16 атау бойынша (6 супермаркет) - 400,0 млн.теңге, "Промбаза-7" ЖШС - 581 млн. теңге, "Север Птица" АҚ тауық еті бойынша - 200 млн. теңге, "Строй Сити" ЖК 19 атау бойынша - 20 млн. теңге, "Poultry-Agro" ЖШС жұмыртқа бойынша - 200,0 млн. теңге, "Olzha Produkt" ЖШС сүт өнімдері бойынша - 200,0 млн. теңге 200,0 млн. теңге, қарақұмық жармасы бойынша "Мибеко" ЖШС - 255,0 млн. теңге, сиыр еті бойынша "Терра" ЖШС - 128,0 млн. теңге.

Бірінші сұрыпты ұннан жасалған әлеуметтік нанның бағасын тұрақтандыру үшін тұрақтандыру қорынан ұн наубайханаларға килограмы 100 теңгеден сатылады.

Облыс орталығының 6 супермаркетіне ("RAUZET Сауда" ЖШС, "Солнечный" ЖШС, "Астықжан Қостанай" ЖШС, "КО Меркурий" ЖШС, "Низкоцен" ЖШС, "Особа" ЖШС) сауда үстемесін көтеру фактілері бойынша ескерту түрінде әкімшілік жазалар қолданылды.

ӘМАТ бағасын ұстап тұру бойынша өндірушілермен, көтерме жеткізушілермен және ірі сауда желілерімен ("Астықжан-Қостанай" ЖШС, "Тамаша Маркет" ЖШС, "Лисван" ЖШС, "Асалия" ЖШС, "Нұрсу"ЖК) 5 комплаенс жасалды.

Облыстың ұн тарту кәсіпорындарына ішкі нарыққа реттеушілік әсер ету үшін "Азық-түлік келісім шарт корпорациясы "ҰК" АҚ-дан азық-түлік нарығын сату кезінде ұлттық компания шеккен шығыстарды субсидиялау есебінен белгіленген баға бойынша 90 мың теңге/тонна бидай бөлу жоспарлануда.

• 10.02.2022
• 161