Нұр-Сұлтанда ӘМАТ бағаларын тұрақтандыру бойынша қандай шаралар қабылданды

Мемлекет басшысы Қ.К. Тоқаевтың 11.01.2022 Ж. Қазақстан Республикасы Парламенті Мәжілісінің отырысында әлеуметтік маңызы бар азық - түлік тауарларының (бұдан әрі-ӘМАТ) бағасын ұстап тұру бөлігінде айтқан тапсырмасына сәйкес Нұр-Сұлтан қаласының әкімдігі бірқатар іс-шаралар өткізді.

Жыл басынан бері азаматтарға ыңғайлы болу үшін 109 қалалық қызметі арқылы бірінші қажеттіліктегі азық-түлік өнімдерінің бағасын көтеру мәселелері бойынша жедел желі ұйымдастырылды (жыл басынан бері барлығы 5 өтініш түсті). Негізінен үйдің жанындағы дүкендерде нан бағасының қымбаттауына қатысты шағымдар түседі.

Жедел әрекет ету шаралары ретінде үйдің жанындағы дүкендермен ӘМАТ өнімдеріне 15% сауда үстемесін сақтау бөлігінде заңнаманы сақтау бойынша түсіндіру жұмыстары жүргізіледі.

2022 жылдың 1 жартыжылдығына арналған ірі және орта бизнес субъектілерін ӘМАТ-қа сауда үстемесінің 15% сақталуына тексеру тізімі бекітілді.

Бағаларды көтерудің немесе бағалық сөз байласудың расталған фактілерінің келіп түсуіне қарай азық-түлік тауарларына баға белгілеудің бүкіл тізбегі бойынша делдалдық схемаларды тексеру жөніндегі комиссияның отырыстары өткізіледі. Осы жұмыс шеңберінде артық делдалдық тізбектерді анықтау үшін ӘМАТ жеткізудің қолданыстағы схемаларын қадағалау бойынша тиісті шаралар қабылдануда.

Қазіргі уақытта әлеуметтік маңызы бар азық - түлік тауарларына бағаларды ұстап тұру кәсіпкерлік субъектілеріне жеңілдікті қарыз беру (айналым схемасы) арқылы жүзеге асырылады.

"Айналым тетігі" шеңберінде 2020-2021 жылдары өндірушілерге, жеткізушілерге және сауда объектілеріне берілген қарыздар есебінен әлеуметтік маңызы бар азық-түлік тауарларының жалпы көлемі 30 мың тоннадан асатын барлық 19 позициясының бағасы тіркелді.

Сондай-ақ көкөніс өндірушілермен форвардтық шарттар жасалды. Бүгінгі таңда бұл өндірушілер қабылданған шарттық міндеттемелерді орындауда. Жасалған форвардтық шарттар бойынша көкөніс өнімдерін сату қаланың ірі сауда объектілерінде келесі бағалар бойынша жүзеге асырылады: картоп - 95 тг/кг, сәбіз - 88 тг/кг, қырыққабат - 84 тг/кг, пияз - 85-89 тг/кг.

Сонымен қатар, ірі өндіруші – "Ряба Тауығымен"келісім жасалды. Өнім қаланың 40 ірі сауда желілерінде сатылады: тауық жұмыртқасы - 430 теңгеден, тауық еті - 1100 теңгеден/кг.

Жалпы, айналым тетігі шеңберінде тауарларды белгіленген бағамен сатуға 140-тан астам сауда объектілері ("Магнум", "Астықжан", "Кенмарт", "Вкусмарт" СҮ, "Ақмол", "Анвар", "Аян" СҮ, "Шапағат", "Сарыарқа" базарлары және үй жанындағы жекелеген дүкендер) тартылған.

Әлеуметтік нан бағасын тұрақтандыру үшін елордалық наубайханаларға әлеуметтік нан пісіру үшін төмен бағамен ұн жеткізіледі, ол бөлшек саудада бір бөлке үшін 90-95 теңге бағамен сатылады.

Сондай-ақ, нан бағасын тұрақтандыру үшін ҚР Ауыл шаруашылығы министрлігімен және азық-түлік корпорациясы ҰК АҚ-мен 5 мың тонна астық бөлу туралы Меморандумға қол қойылды.

Ақмола, Шығыс Қазақстан, Қарағанды, Қостанай, Павлодар облыстарының тауар өндірушілерінің қатысуымен Пригородный тұрғын алабында (Арнасай көшесі, 109 ғимарат) жыл бойы ауыл шаруашылығы жәрмеңкелері өткізіледі.

Негізгі әлеуметтік маңызы бар өнім түрлерінің бағаларын реттеу және тұрақтандыру үшін отандық өндірушілерден ірі сауда желілеріне айналым тетігі арқылы тамақ өнімдерін тікелей жеткізуді ұйымдастыру жөніндегі іс-шаралар жалғастырылатын болады.

• 10.02.2022
• 193