«ПРОДЭКСПО-2022» көрмесінде алғашқы келісімшарттар жасалды

Азық-түлік өнімдері, сусындар мен оларды өндіруге арналған 29-шы халықаралық «ПРОДЭКСПО-2022» көрмесінің қазақстандық ұлттық стендінің алғашқы жұмыс күні отандық компаниялар 15 млн долларға келісімшарттар жасасты.

Көрменің бірінші күнінің ірі келісімшарты РФ-ға «Шин-Лайн» компаниясының қазақстандық балмұздақты жеткізуі туралы шарт болды.

«Шин-Лайн» ЖШС - Қазақстандағы және бүкіл Орталық Азиядағы балмұздақтың ірі өндірушісі. Компания қазақстандық балмұздақты бірінші болып шетелдік нарықтарға экспорттауды бастады. Қазіргі уақытта компания мұздатылған жартылай фабрикаттар мен тез кеспе өндірумен айналысады (өнімдер де экспортқа бағытталған).

Екінші келісімшарт «Масло-Дел» ЖШС компаниясының май өнімдерін: майонез, сары май және т.б. жеткізу туралы шарт болды. Өнім Солтүстік Қазақстан облысында ГОСТ стандарты бойынша алынған табиғи, ақуызға бай сиыр сүтінен өндіріледі. Компания өнімдерінің қатарында тұздықтар, өсімдік майлары, маргариндер, томат пастасы, сондай-ақ өнеркәсіптік өңдеуге арналған ассортимент және HoReCa бар.

Көрмеге барлығы 43 қазақстандық компания қатысты, оның ішінде 20 компания ұлттық стендте ұсынылды.

Ресей нарығында қазақстандық өнім көлемінің артуына Қазақстанның РФ-дағы Сауда өкілдігі мен QazTrade қолдау операторы тауарларын ілгерілету бойынша бірлескен үлкен жұмыс ықпал етуде. Ағымдағы жылы Ресей QazTrade-нің  «Экспорттық акселерация» бағдарламасы шеңберінде жылжытылатын бағыттарының бірі ретінде таңдалды

«Сауда өкілдігі отандық тауарларды РФ нарығына ілгерілету шеңберінде біздің бизнестің ресейлік сауда желілерімен, дистрибьютерлермен кездесулерін ұйымдастырады, сондай-ақ ай сайын қазақстандық тауар өндірушілер үшін желілермен жұмыс істеу шарттары, заңды ресімдеу, буып-түю, шарттары, жеткізу мерзімдері және Ресей нарығындағы жұмыстың басқа да «техникалық бөлшектері»  бойынша вебинарлар өткізеді», - деді ҚР РФ-дағы сауда өкілі Нұрлан Борамбаев. Ол, сондай-ақ, Ресей өңірлеріне қазақстандық экспорттың географиясын кеңейту мақсатында Сауда өкілдігі жыл сайын Қазақстанның түрлі облыстарында ресейлік желілер байерлерінің бизнес-миссияларын өткізетінін хабарлады.

Компаниялардың көрмеге қатысуын экспорттаушыларды сервистік қолдау шеңберінде экспортты мемлекеттік қолдаудың бірыңғай операторы – «QazTrade» АҚ қамтамасыз етеді.

«Продэкспо» тарихында алғаш рет Қазақстан көрменің Әріптес Елі болды.

• 10.02.2022
• 212