ТЖ министрлігінде су тасқыны кезеңіне дайындық мәселелері бойынша ВАМК отырысы өтті

16 ақпанда Төтенше жағдайлар министрлігінде министр Юрий Ильиннің төрағалығымен «Орталық және жергілікті атқарушы органдардың 2022 жылғы су тасқыны қаупі кезеңіне дайындығы туралы» күн тәртібімен төтенше жағдайлардың алдын алу және жою жөніндегі ведомствоаралық мемлекеттік комиссияның отырысы өтті.

Отырысқа орталық мемлекеттік органдардың басшылары, сондай-ақ бейнеселекторлық байланыс режимінде облыстар, Нұр-Сұлтан, Алматы және Шымкент қалалары әкімдерінің орынбасарлары, төтенше жағдайлар департаменттерінің бастықтары қатысты.

«Қазгидромет» РМК басшылары, ТЖ,  Экология, геология және табиғи ресурстар, Индустрия және инфрақұрылымдық даму вице-министрлері жетекшілік ететін бағыттар бойынша жұмыстар туралы сөз сөйледі. Олар болжам, су тасқыны кезеңіне дайындық, гидротехникалық құрылыстардың суды қабылдау және апатсыз өткізуге техникалық дайындығы туралы баяндады.

Елді мекендерді көктемгі су тасқынынан қорғау үшін «2021-2023 жылдарға арналған су тасқынына қарсы іс-шаралардың Жол картасын бекіту туралы» Жол картасы іске асырылуда, оны ағымдағы жылы 68 іс-шараны аяқтау жоспарланып отыр.

Жол картасы іс-шараларын және басқа да жоспарларды іске асыру шеңберінде 340 елді мекенде су басу қатерін жоюға және 1010 елді мекеннің 385-і үшін қатерді барынша азайтуға мүмкіндік берді.

Жалпы ТЖМ күштері мен құралдары көктемгі кезеңдегі төтенше жағдайларға дайын. Су тасқыны жағдайының ықтимал күрделенуіне ден қою үшін авариялық-құтқару бөлімшелерінің күштері мен құралдарының тобы құрылды. Бұл 10 мыңнан астам қызметкер мен 1700-ден астам бірлік техника. Сонымен қатар жергілікті атқарушы органдар құрамында 52 мыңнан астам адам, 11,5 мың бірлік техника, 544 жүзу және 2 мың су айдайтын құралдар бар азаматтық қорғаудың аумақтық қызметтерінің күштері мен құралдарының есебін дайындады. Өңірлерде ТЖМ бөлімшелері 1,4 мың бірлік өрт-құтқару техникасы мен жабдықтары дайын. Күштер мен құралдарды ауыстыру және зардап шеккен халықты шұғыл эвакуациялау үшін кезекшілік режимінде «Қазавиақұтқару» АҚ 20 әуе кемесі бар. Сондай-ақ М. Ғабдуллин атындағы Академияның 51 адам және 3 бірлік техника тұратын құрама жасағы жасақталған.

Су тасқынының алдын алу шараларын қабылдауды тапсырдым. Комиссия отырысының соңында хаттамалық шешім қабылданды.

• 16.02.2022
• 239