СІМ басшысы Вьетнам Елшісін қабылдады

Нұр-Сұлтан, 2022 жылғы 16 ақпан – Қазақстан Премьер-Министрінің орынбасары - Сыртқы істер министрі Мұхтар Тілеуберді еліміздегі дипломатиялық миссиясының аяқталуына байланысты Вьетнам Социалистік Республикасының Елшісі Нгуен Тхи Хонг Оаньмен кездесті.

М.Тілеуберді Елшіге осы лауазымдағы қызметі үшін алғыс айтты және қазақстандық-вьетнам ынтымақтастығының оң динамикасын атап өтті. Ол Қазақстанның екіжақты және халықаралық ұйымдар, оның ішінде АӨСШК шеңберінде өзара іс-қимылды одан әрі нығайтуға қызығушылығын білдірді.

Өз кезегінде Нгуен Тхи Хонг Ань оның Қазақстандағы миссиясына қолдау үшін алғыс білдірді. Ол ВСР Төрағасы  Нгуен Суан Фуктың  ҚР Парламенті Мәжілісінің жаңа спикері Ерлан Қошановтың атына құттықтау жолдауын, сондай-ақ Вьетнам Сыртқы істер министрі Буин Тхан Шоудың БҰҰ Адам құқықтары жөніндегі кеңесіне Вьетнамның кандидатурасын қолдау туралы үндеуін табыс етті.

• 17.02.2022
• 194