Премьер-Министрге орталық және жергілікті атқарушы органдардың 2022 жылғы су тасқыны кезеңіне дайындығы туралы баяндадым

Бүгін Үкімет отырысында орталық және жергілікті атқарушы органдардың су тасқыны кезеңіне дайындығы туралы баяндама жасадым.

Премьер-Министрге Министрліктің орталық және жергілікті атқарушы органдармен бірлесіп көктемгі су тасқыны кезеңінде төтенше жағдайлардың туындау қаупін азайту бойынша іс-шаралар кешенін жүргізіп жатқанын хабарладым.

«Қазгидромет» РМК алдын ала болжамды деректері бойынша жалпы ылғал қорының көлемі Ақмола облысындағы Сілеті өзенінің бассейндеріндегі орташа көп жылдық мәннің нормасынан 25%-ға, Қостанай облысындағы Қараторғай және Торғай өзендерінің бассейндерінен 12-57%-ға және Батыс Қазақстан облысындағы Шежін-2 және Шыңғырлау өзендерінің бассейндерінен 20-22% - ға жоғары.

Юрий Ильин атап өткендей, ауа райы жағдайына байланысты 431 мыңнан астам адам тұратын 285 елді мекенде су басу қаупі сақталады.

Жалпы су тасқынына қарсы іс-шаралар кешенін іске асыру 340 елді мекенді су басу қаупі алынып, 385 елді мекенге төнетін қауіп азайтылды.

Бүгінгі күні су басуды болдырмау мақсатында жергілікті атқарушы органдар елді мекендерден 5,2 млн.текше метрден астам қар шығарды, ЖЖМ, инертті материалдар, қаптар мен жарылғыш заттар қоры қалыптастырылды.

51,1 км жағалауды нығайту және 71,7 км өзен арналарын тазарту, 77,6 км қорғаныс бөгеттерін салу және ағымдағы жөндеу, 2 гидротехникалық құрылыстарды салу,6 гидротехникалық құрылыстарды жөндеу, 20,6 км салу және 25,1 км су бұру арналарын тазарту, 4 жергілікті құлақтандыру жүйесін орнату жүргізілді.

Су тасқыны жағдайының ықтимал күрделенуіне жедел ден қою мақсатында саны 10 мың адам және 1 700 бірліктен астам техника азаматтық қорғау органдарының күштері мен құралдарының арнайы топтары құрылды.

Наурыз айының басында «Көктем-2022» Республикалық командалық-штабтық оқу-жаттығуын өткізу жоспарлануда, оның барысында азаматтық қорғаудың мемлекеттік жүйесінің дайындығы тексеріледі.

Су тасқыны кезеңінің өтуі ТЖМ, орталық және жергілікті атқарушы органдардың бақылауында.

Отырыс қорытындысы бойынша Әлихан Смайылов су тасқыны кезеңіндегі төтенше жағдайлардың алдын алу бойынша бірқатар нақты тапсырмалар берді.

• 22.02.2022
• 178