Қазақстан Республикасы мен Иран Ислам Республикасы арасында Техникалық реттеу саласындағы меморандумдарға қол қойылды

Ағымдағы жылғы 21-22 ақпанда Қазақстан Республикасы мен Иран Ислам Республикасы арасындағы сауда-экономикалық, ғылыми-техникалық және мәдени ынтымақтастық жөніндегі Үкіметаралық комиссияның 17-ші отырысы Тегеран қаласында өтіп жатыр.

Осы іс-шара шеңберінде техникалық реттеу, стандарттау, метрология, аккредиттеу және сәйкестікті бағалау саласындағы екіжақты ынтымақтастықты орнату және дамыту мақсатында ҚР СИМ Техникалық реттеу және метрология комитеті (Комитет) мен Иранның ұлттық стандарттар ұйымы (INSO) арасында Меморандумға қол қойылды.

Комитет төрағасы Арман Әбенов пен INSO Вице-президенті др. Эхсан Садех қол қоюшылар болып табылады.

Бұл құжат Қазақстан мен Иран арасындағы Техникалық реттеу саласындағы өзара тиімді және жемісті ынтымақтастықты орнатудың алғашқы қадамы болып табылады. Бұдан басқа, бұл нормативтік құжаттармен, сарапшылармен, ақпаратпен алмасуды; тараптардың өзара келісімі бойынша Техникалық реттеу, стандарттау, метрология, аккредиттеу және сәйкестікті бағалау, мемлекеттік бақылау саласындағы оқу семинарлары мен мамандандырылған кеңестерді жүргізуге мүмкіндік береді.                 

Сондай-ақ, Ұлттық аккредиттеу орталығы (ҰАО) мен Иранның Ұлттық аккредиттеу орталығы (NACI) арасында Меморандумға және "Қазстандарт" РМК арасында Иранның ұлттық стандарттар ұйымымен (INSO) стандарттау саласындағы келісімге қол қойылды.

• 01.03.2022
• 222