Агенттіктің Төрағасы Дархан Жазықбаев Академия студентерімен кездесті

Бүгін Қазақстан Республикасы Президентінің жанындағы Мемлекеттік басқару академиясында апта сайынғы «Development day» іс-шарасы аясында алғаш рет «Book Dating» жобасы таныстырылды. Жобаның алғашқы құрметті қонағы ретінде Қазақстан Республикасы Мемлекеттік қызмет істері агенттігінің Төрағасы Дархан Жазықбаев шақырылды.

Дархан Медеғалиұлымен кездесу Академияның көптеген магистранттары мен докторанттарын қызықтырды. Кездесуде Төраға «Кітап – өмір ұстазы» тақырыбына өзінің философиялық көзқарастарымен, сондай-ақ мемлекеттік қызметтегі көп жылдық тәжірибесімен бөлісті.

Өз сөзінде Агенттік Төрағасы мемлекеттік аппараттың жұмысын жетілдіруде жаңа тәсілдерді енгізу, мемлекеттік қызметтің сервистік және клиентке бағдарланған жүйесіне қол жеткізу үшін тиісті шаралар қабылдау қажеттігін ерекше атап өтті.

Іс-шара соңында Дархан Жазықбаев Академия кітапханасына өзінің «Өзгерістер философиясы» атты монографиясын тарту етті. Кітап ХХ ғасыр басындағы қазақ ойшылдарының қоғамдық ой-пікірлері мен тәуелсіздік жолындағы еңбектеріне арналған.

• 04.03.2022
• 323