Баршаңызды 1 наурыз – Алғыс айту күнімен шын жүректен құттықтаймын!

Ардақты ағайын!
Құрметті түркістандықтар!

Баршаңызды 1 наурыз – Алғыс айту күнімен шын жүректен құттықтаймын!
Елімізде Алғыс айту күні мерекесі бірнеше жылдан бері атап өтіліп келеді. Бұл күн – барлық қазақстандықтардың бір-біріне деген мейірімділігі, достығы мен ыстық ықыласының жарқын көрінісі. Бұл – тарихтың толқынымен Қазақ даласынан бақытын тауып, мейірбан ұлттың мейіріміне бөленген жұртшылықтың Қазақ еліне деген ізгі ниетін білдіретін күн.
Қиындықта көмектесу, жанашырлық көрсету, меймандостық пен сабырлық таныту – қазаққа тән асыл қасиет. Өткен ғасырдағы қиын заманда байтақ даламыз түрлі этнос өкілдеріне пана болып, халқымыз қиындыққа тап болған жұрт өкілдеріне құшағын аша білді. Сол жылдардан бері бір шаңырақ астында тату-тәтті өмір сүріп келеміз.

Халқымызда «Ынтымақты елге ешкім жетпес, Ынтымағы кетсе, өкініші кетпес» деген мақал бар. Жаңа Қазақстанды құру жолында біге ынтымақ, еңбек және мұқалмас жігер қажет. Бұл ретте Түркістан өңірінің, қасиетті Түркістан шаһарының келешегі жарқын деп есептеймін. Осы бағытта тер төгіп жүрген барша азаматқа шынайы алғысымды білдіремін.

Бірлігіміз бекем, еліміз аман, сүйсінерлік жаңалықтар мен елден алғыс алар істер көп болсын!

• 05.03.2022
• 259