МЕМЛЕКЕТ БАСШЫСЫНЫҢ АЛҒЫ СӨЗІМЕН БӘСЕКЕЛЕСТІК ҚҰҚЫҒЫ ЖӨНІНДЕГІ ОҚУ ҚҰРАЛЫ ТАНЫСТЫРЫЛДЫ

Өткен аптада КАЗГЮУ-де «Бәсекелестік құқығы» бағдарламасы магистранттарының бірінші ағыны үшін «Бәсекелестік құқығы» магистрлік білім беру бағдарламасының ресми ашылуы және «Қазақстан Республикасындағы бәсекелестік құқық және саясат» оқу құралының тұсаукесері өтті. Жаңа оқу құралын Қазақстан Республикасы Бәсекелестікті қорғау және дамыту агенттігінің төрағасы Серік Жұманғариннің жалпы редакциясымен халықаралық авторлар ұжымы әзірледі. Оқу құралына алғы сөзді Мемлекет басшысы жазды, ол 2020 жылғы 31 желтоқсандағы Жарлықпен Қазақстан Республикасында бәсекелестікті дамытуға жәрдемдесу және проактивті бәсекелестік саясатты енгізу Қазақстан Республикасының Президенті, Үкіметі, орталық мемлекеттік және жергілікті атқарушы органдары, жергілікті өзін-өзі басқару органдары қызметінің басым бағыты деп жарияланғанын атап өтті. 

Іс-шараға магистранттар, оқу құралының авторлар ұжымы, Жоғарғы Сот судьясы Гүлжан Әлмағамбетова, Бәсекелестік саясатты дамыту және қорғау орталығының басшылары, Армения, Қырғызстан, Тәжікстан, Өзбекстан шетелдік монополияға қарсы ведомстволарының, ЕЭК басшылары, БРИКС Халықаралық бәсекелестік құқық және саясат орталығының сарапшылары және басқа да сарапшылар  қатысты.

Бүгінгі күннің негізгі міндеті – мемлекеттің экономикадағы рөлі мен орнын анықтау, оқу құралы тарауларының бірі осы тақырыпқа арналған. Бұдан бөлек, кітапта монополияға қарсы қозғалыстың дамуын, бәсекелестікті қорғау және дамыту саясатын айқындайтын қазіргі заманғы үрдістер, трендтер, сондай-ақ болашақтың форсайты егжей-тегжейлі сипатталған. Бұл – оқу құралын қазіргі заманғы кәсіпорын басшыларына, тәуекел-менеджерлерге, монополияға қарсы заңгерлерге, монополияға қарсы орган қызметкерлеріне, экономистер мен заңгерлерге пайдалы етеді. Бірақ, ең алдымен, монополияға қарсы реттеу мәселелері бойынша студенттер мен оқытушылар үшін өзіндік гид болып табылады, осы салада стратегиялық шешімдер қабылдау кезінде қазіргі заманғы тәсілді қалыптастыруға көмектеседі

Жоғары оқу орнынан бастап бәсекелестік құқығы бойынша мамандарын дайындау еліміздегі бәсекелестікті дамыту жөніндегі мемлекеттік саясатының маңызды бағыттарының бірі болып табылады.

• 16.03.2022
• 281