Amanat партиясының қоғамдық қабылдау бөлмесінде азаматтармен кездесу туралы

Мемлекет басшысы Қасым-Жомарт Тоқаевтың Қазақстан халқына Жолдауында қойған «еститін мемлекетті» қалыптастыру жөніндегі міндеттері шеңберінде Агенттік менің жеке қатысуыммен азаматтарды Amanat партиясының қоғамдық қабылдау бөлмесінде жүйелі түрде қабылдайды.

2022 жылғы 15 наурызда өткен соңғы қабылдау шеңберінде Нұр-Сұлтан, Алматы және Қарағанды қалалары азаматтарының өтініштері қаралды. Кездесуде кепілді кредит қарыздарын қайта қаржыландыруға, Ипотекалық қарыздарды қайта қаржыландыру бағдарламасына қатысуға, сондай-ақ халықтың әлеуметтік осал топтарының өкілдері үшін қарыздарды қайта құрылымдауға қатысты мәселелер қаралды. 

Агенттіктің атына келіп түсетін бірде-бір өтініш назардан тыс қалмайды. Азаматтар көтерген барлық мәселелер бақылауға алынып, заңнама нормалары мен белгіленген мерзімдер сақтала отырып орындалуда.

2021 жылы Агенттікке азаматтардан шамамен 21,8 мың өтініш келіп түсті, барлық өтініштің 72,5%-ы банк секторына тиесілі.

2022 жылдың басынан бері азаматтардан шамамен
1,6 мың өтініш келіп түсті, қаралған өтініштердің жалпы санының 77,0%-ы банк секторы, 11%-ы микроқаржылық қызметті жүзеге асыратын ұйымдар, 3%-ы сақтандыру нарығының субъектілері, 3%-ы коллекторлық агенттіктер, сондай-ақ 6%-ы өзге ұйымдар қызметінің мәселелері бойынша.

Агенттік қарыз алушылардың банктер қараған өтініштері бойынша статистикалық деректердің тұрақты мониторингін және жинақтауды жүзеге асырады. Өтініштер, негізінен, жасалған банктік қарыз шарттары бойынша талаптарды өзгертуге қатысты.

Деректерге сәйкес, 2022 жылғы қаңтарда банктерге мерзімі өткен берешекті өтеу мәселесі бойынша 11 617 қарыз алушы жүгінген. Оның ішінде 5 891 қарыз алушыға жасалған банктік қарыз шартының талаптарына өзгерістер мақұлданды. 7 025 қарыз алушы бойынша банктер жалпы сомасы 12,05 млрд теңгеге қарыз мерзімін өзгерте отырып негізгі борыш және (немесе) сыйақы бойынша төлемді кейінге қалдыруды мақұлдады.

2021 жылы Агенттік 238-ден астам кездесу ұйымдастырды, онда
2 543 азамат қабылданды, 2022 жылдың басынан 113 азаматпен 7 кездесу ұйымдастырылды.

Халықпен жедел өзара іс-қимыл жасау үшін Агенттікте call-орталық жұмыс істейді. 2021 жылы сall-орталыққа 5,8 мыңнан астам азаматтан қоңыраулар түсті, 2022 жылдың басынан бері 2,8 мыңға жуық азамат қоңырау шалды.

Агенттікке ресми өтінішті кез келген ыңғайлы тәсілмен: жазбаша түрде, egov порталы немесе eotinish өтініштер жүйесі арқылы беруге болады.

(https://www.gov.kz/memleket/entities/ardfm/activities/population?lang=ru)

• 16.03.2022
• 278