ЕАЭО ветеринариялық дәрілік заттар айналымын реттеудің бірыңғай қағидаларына көшеді

2022 жылғы 13 наурызда Еуразиялық экономикалық комиссия Кеңесінің Еуразиялық экономикалық одақтың кедендік аумағындағы ветеринариялық дәрілік заттардың айналымын реттеу қағидаларын бекіту туралы шешімі күшіне енді.

Құжат 2 жылдан кейін, 2024 жылдың 13 наурызынан бастап күшіне енеді.

ЕАЭО-қа мүше мемлекеттерге ұлттық заңнамалық базаны ұлттықтан жоғары нормаларға сәйкестендіру үшін екі жылдық өтпелі кезең ұсынылды.

Қағидада Еуразиялық экономикалық одақтың барлық елдері үшін ветеринариялық дәрілік препараттарды тіркеудің бірыңғай рәсімі, олардың сапасына, тиімділігі мен қауіпсіздігіне қойылатын бірыңғай талап және оларды бағалау өлшемшарттары, ветеринариялық дәрілік заттар айналымы саласындағы бақылау-қадағалау қызметінің бірыңғай рәсімдері белгіленген.

Бірыңғай ережелер бойынша тіркеуге толық көшу 2028 жылдың 1 қаңтарынан бастап жүзеге асырылады. 2027 жылдың 31 желтоқсанына дейін ветеринариялық препараттарды ұлттық ережелерге сәйкес тіркеуге болады. Ал мұндай ветеринариялық препараттарды тіркеу куәліктері тиісті мемлекеттің аумағында алдағы бес жыл ішінде, яғни 2032 жылдың 31 желтоқсанына дейін жарамды болады.

Сондай-ақ, 2024 жылғы 13 наурызға дейін берілген ветеринариялық дәрілік заттарды тіркеу куәліктері Одақтың кедендік аумағында мүше мемлекеттердің заңнамасына сәйкес белгіленген мерзімдерде, бірақ 2027 жылғы 31 желтоқсаннан кешіктірмей жарамды.

Сондай-ақ 2024 жылғы 13 наурызға дейін берілген ветеринариялық дәрілік препараттардың тіркеу куәліктері одақтың кедендік аумағында мүше мемлекеттердің заңнамасына сәйкес белгіленген мерзім ішінде, бірақ 2027 жылғы 31 желтоқсанға дейін жарамды.

Құжат ЕАЭО ветеринариялық дәрілік заттардың ортақ нарығының жұмыс істеуі және дамуы үшін неғұрлым қолайлы жағдай жасайды. Ветеринариялық дәрілік заттармен саудада шектеу сипатындағы шараларды қабылдау және кедергілердің туындау мүмкіндігін болдырмайды.

• 17.03.2022
• 183