Wildberries техникалық қателіктерді жою бойынша жұмыс жүргізуде

14 наурызда Wildberries Интернет-дүкенінің жұмысында техникалық ақаулар байқалды. Компания сол күні негізгі функционалын қалпына келтірді, компанияның
АТ-мамандары ақауларды жою бойынша жұмысты жалғастыруда: 17 наурызға қарай олардың саны 40 есе азайды.

Wildberries кейбір бөлімдер істен шығуы мүмкін деп ескертеді - атап айтқанда, ағымдағы тапсырыстар көрсетілмейді. Барлық тапсырыстар міндетті түрде сатып алушыларға жеткізіледі. Егер тапсырысты алуға арналған код сатып алушының қосымшасында немесе сайтта көрсетілмесе, онда тауарды беру пунктінде жеке басын куәландыратын құжатты көрсете отырып алуға болады.

Компания дербес және қаржылық ақпарат, оның ішінде банк карталарының деректері зардап шекпегенін және қауіпсіз қоймада екенін атап көрсетеді.

Беру пункттері немесе курьерлік қызмет арқылы тиісті сападағы тауарларды қайтару мерзімі ұзартылды. Бұдан басқа, тапсырыстарды беру пункттерінде тауарларды сақтау мерзімі автоматты түрде ұлғайтылды.

Ақауларды түзету күйін жедел бақылау және Wildberries-тен кері байланыс алу үшін сатып алушыларға арналған t.me/wildberriesofficialcustomer телеграм-арнасы құрылды.

• 25.03.2022
• 193