Қазақстан ЕЭК-ке еуропалық гербицидтерге демпингке қарсы шараны тоқтата тұруды ұсынды

Қазақстандық тараптың ұсынысы бойынша 17 наурызда ЕЭК Кеңесінің кезекті отырысында Еуропалық Одақ аумағында өндірілген гербицидтерге қатысты демпингке қарсы шараны уақытша тоқтата тұру мәселесі қаралды (демпингке қарсы шара 2018 жылғы 26 мамырда белгіленді).

ҚР-ның бұл ұсынысы гербицидтер құнының өсуіне және олардың нарықтағы ұсынысының қысқаруына байланысты. Оның ішінде, валюта бағамының өзгеруіне және Еуропадан логистика проблемаларына байланысты.

Бұл ретте, ЕО компаниялары өндірген гербицидтер ҚР-дағы гербицидтер импортының жалпы көлемінің шамамен 20%-ын алып, қазақстандық нарық үшін «сезімтал» тауарлардың бірі болып табылады.

«Біз гербицидтердің тапшылығына жол бермеуіміз және болашақ егіннің сапасына, нәтижесінде, азық-түлік қауіпсіздігіне қауіп төндірмеуіміз керек. Сондықтан біз бестіктегі әріптестерімізге Еуропалық Одақтан шыққан гербицидтерге қатысты қолданыстағы демпингке қарсы шараны бір жылға тоқтата тұру туралы ұсыныс жасадық. Аталған мәселе ЕЭК-тің таяудағы алқасында шешілетін болады», - деп түсіндірді Б. Сұлтанов.

ЕАЭО-ға мүше барлық елдер Қазақстанның демпингке қарсы шараларды 6 айға тоқтату туралы ұсынысын бірауыздан қолдады.

Тиісті шешім келесі алқа отырысында қабылданады.

• 25.03.2022
• 222