ҚАЗАҚСТАНҒА КӨПШІЛІК ҚОЛДАНАТЫН ТАУАРЛАРДЫ ИМПОРТТАУ РӘСІМІН ЖЕҢІЛДЕТУ БОЙЫНША

Премьер-Министр төрағалығымен өткен жедел штаб отырысында бизнес-қоғамдастық Қазақстанға көпшілік қолданатын тауарларды импорттау рәсімін жеңілдету бойынша бірқатар ұсыныс айтты. Ұсынылған шаралар уақытша сипатқа ие және әлемдік нарықтардағы күнделікті тұтынушылық сұраныстағы азық-түлік және басқа да тауарларды жеткізудегі үзілістерге байланысты.

Осылайша, бизнес жариялаған ұсыныстар техникалық регламенттерде белгіленген тұтынушылық таңбалау бойынша қойылатын талаптардың кең тізбесін уақытша оңайлатуға, оның ішінде қаптамада мемлекеттік тілде ақпараттың міндетті болуына қатысты. Тауарлар туралы барлық қажетті ақпарат мемлекеттік тілде сөрелердегі QR код арқылы тұтынушыларға жеткізілетін болады.

Ұсынылған шаралар отандық кәсіпкерлерді қолдауға, қазақстандық тұтынушыларға тауар жеткізудің тұрақтылығын қамтамасыз етуге, азаматтарға тауарлар туралы ақпаратты жеткізудің баламалы, шығыны аз және қазіргі заманғы тәсілдерін пайдалану арқылы тұтыну тауарлары бағасының өсуін төмендетуге бағытталған.

• 25.03.2022
• 223