Қадірлі Ұлы Отан Соғысының ардагерлері!

Қадірлі Ұлы Отан Соғысының ардагерлері! Сіздерді Ұлы Жеңіс мерекесімен құттықтаймын! Сол сұрапыл соғыстың зардабын басынан өткізбеген отбасы жоқ шығар. Осы күндерге ұрпақтары – біздер жетсін деп талай азаматтар шайқастарда қаза болып қайтып оралмады. Оралып келгендер үшін де сол қасіретті заман елестері өмір бойы көз алдарынан кетпейтіндей болды емес пе! Ақсақалдар! Ардагерлер! Сіздердің жасаған ерліктеріңіз еш уақытта ұмытылмас! Жеңіс Күні құтты болсын! Қымбатты жерлестер! Қазақ елі соғыс кезінде талай босқынды құшақ жайып қарсы алды. Майдандағы жауынгерлер үшін мықты тыл болды. Азаматтарын соғысқа шығарып салған келіншектермен балалар, ұлдарын аттандырған аналармен ақсақалдарымыз аянбай еңбек етіп, өз алдына ерлік жасап әскерді азық-түлік, оқ-дәрі, киім-кешекпен қамтамасыз етіп тұрды. Бұл Жеңіс – елдің ортақ Жеңісі! Баршамызға мереке құтты болсын! Аспанымыз ашық, заманымыз бейбіт болсын! Еліміз өркендей берсін! Гүлшара Әбдіқалықова

• 19.05.2011
• 14797