Аймақтық экология департаменттері халықпен кері байланысты күшейтеді

Өткен аптада аумақтық экологиялық департаменттердің басшыларымен кездестім. Салалық мекемелердің қоршаған ортаны жақсарту жолында жұмыс істеп, халықпен тығыз байланыста болуы, экологиялық проблемаларды шешу үшін қоғам белсенділерімен тұрақты кездесіп отыруы өте маңызды. Ашық жұмыс істеп,жұртшылықтың шағымына уақытылы жауап беру қажет.Себебі бәріміздің ортақ мүддеміз-қоршаған ортаны қорғап,қолайлы өмір сүру ортасын қалыптастыру. Департаменттер экология мәселелерін шешу жолында,біріншіден, халықтың экологиялық мәдениетін көтеруге күш салуы керек. Сонымен бірге, қолданыстағы басқару жүйесін қайта қараған жөн. Біздің мақсатымыз - айыппұл салу емес. Біз салық органы емеспіз. Барлық мемлекеттік экологтың негізгі жұмысы - жасыл технологияларға көшу, эмиссияларды төмендету бойынша шаралар қабылдау болуы тиіс.

• 19.10.2020
• 329