Президенттік жастар кадрлық резервінің өкілдерімен дөңгелек үстел өтті

Бүгін Президент Әкімшілігі басшысының орынбасары Аида Балаева және Мемлекеттік қызмет істері агенттігінің Төрағасы Дархан Жазықбаев Президенттік жастар кадрлық резервінің өкілдерімен дөңгелек үстел өткізді.

Резервшілермен әңгімелесу барысында Аида Балаева Қазақстан Республикасының Президенті Жолдауының негізгі бағыттарын жүзеге асыруда Президенттік жастар кадрлық резервінің ресурстарын тиімді пайдалану қажеттілігін атап өтті.

- Резервшілерге белгілі бір саланы дамыту үшін өз білімі мен дағдыларын қолдануға, сондай-ақ мемлекеттік қызметте өз әлеуетін жүзеге асыруға бірегей мүмкіндік берілген. Мемлекет басшысы қойған жаңа ауқымды міндеттер аясында резервшілерден оларды жүзеге асыруға зор ынта қажет, – деді Аида Балаева.

Кездесу барысында Дархан Жазықбаев қазіргі уақытта Агенттік ПЖКР жобасын одан әрі жетілдіру бойынша іс-шаралар жоспарын бекіткенін атап өтті.

- Әлеуетті жұмыс берушілердің резервшілермен өзара іс-қимыл рәсімдерін регламенттеу мақсатында Агенттік резервистерді жұмысқа орналастыру, оларды мансаптық сүйемелдеу, дамыту және бағалау мәселелерін қамтитын Резервшілердің рекрутинг алгоритмі әзірленді. Сонымен қатар, Агенттік «ПЖКР Кеңсесімен» бірлесіп, Резерв аясында жұмысқа орналасу үшін резервшілердің мансаптық ниет-қалау карталарын жасақтады. Қазіргі уақытта олар резервшілерді қызметке тарту бойынша тиісті жұмыстарды жүргізу мақсатында мемлекеттік органдар мен квазимемлекеттік ұйымдарға жіберілді, – деді Дархан Жазықбаев.

Кездесуге қатысушылардың пікірінше, мұндай іс-шаралар жас менеджерлердің ұсыныстары мен бастамаларын талқылауға және іске асыруға тамаша мүмкіндік болып табылады.

• 28.03.2022
• 253