I Ташкент халықаралық инвестициялық форумына қатыстым

⚜️Ташкент қаласында өткен І халықаралық инвестициялық форумға қатыстым.

Соңғы жылдары екі ел арасындағы өнеркәсіп саласында машина жасау, жеңіл өнеркәсіп және құрылыс индустриясы бойынша 6 жоба табысты жүзеге асырылып, жаңа жұмыс орындары құрылды.

Сонымен бірге форумда біздің тарапымыздан алюминий дискілер, профильдер, шағын кернеулі трансформаторларды өндіру бойынша жобаларды бірлесіп іске асыруды қарастыру ұсынылды.

Жалпы, Орталық Азия елдерімен қарым-қатынастың еліміз үшін мән-мағынасы бар. Бүгінде Орталық Азия елдерінің қатысуымен түрлі салаларда 4,5 мыңнан астам кәсіпорын жұмыс істейді.
⚜️
Осы ретте екі ел арасындағы тауар айналымы мен инвестициялық әлеуетті арттыруға, сондай-ақ логистиканы дамытуға мүмкіндік беретін негізгі бағыттарға тоқталып өтсем.

🔹Біріншіден, «Орталық Азия» халықаралық сауда-экономикалық ынтымақтастық орталығын құру. Бұл орталық «Солтүстік-Оңтүстік» экономикалық дәлізінде жүктерді қалыптастыру және өңдеудегі сауда мен өңіраралық өндірістік кооперацияның негізгі орталығына айналады деп санаймын.

🔹Екіншіден, көлік дәліздерін дамыту және жаңғырту жөніндегі жобаларды іске асыру.

🔹Үшіншіден, Түркістан өңірінде «Тұран» арнайы экономикалық аймағын құру.

Жоғарыда аталған бастамаларды табысты іске асыру Орталық Азия өңіріндегі сауда-экономикалық қатынастарды одан әрі жетілдіруге ықпал ететініне сенімдімін.

Сондай-ақ біз ESG, жаһандық энергетикалық және технологиялық талаптарды ескере отырып, инвестициялық саясаттың жаңа тұжырымдамасын әзірлейміз.

Қазіргі уақытта барлық сала бойынша талдау жүргізілуде, соның негізінде инвесторларды тарту үшін нақты жобалар мен ұсыныстар әзірленетін болады.

• 28.03.2022
• 204