Мемлекет басшысының тапсырмасы бойынша Индустрия және инфрақұрылымдық даму министрлігі өңдеу өнеркәсібі салалары бойынша талдау жүргізді

Мемлекет басшысының тапсырмасы бойынша Индустрия және инфрақұрылымдық даму министрлігі өңдеу өнеркәсібі салалары бойынша талдау жүргізді. Сондай-ақ ішкі нарықты молықтыру және экспортты дамытуға бағытталған жобалар анықталды.

Біріншіден, ел ішіндегі құндылықты дамыту Бағдарламасының жобасы әзірленді, оның шеңберінде импорт алмастыру әлеуеті бар 129 жобаны іске асыру жоспарланып отыр.

Екіншіден, жеңілдікті қаржыландыру, инфрақұрылымды дамыту, кадрлық әлеуетті арттыру және шикізатпен қамтамасыз ету сияқты жұмыс істеп тұрған өндірістер мен іске асырылып жатқан жобаларды қолдау бойынша жүйелі шаралар көзделген.

Үшіншіден, барлық мүдделі тараптардың ұсыныстарын ескере отырып, елдің транзиттік әлеуетін арттыру бойынша ұсыныстар әзірленді. Бұл шара Ақтау портында «контейнерлік хаб» құру, жоғары жылдамдықты магистраль салу, контейнерлік сервисті арттыру, мемлекеттік шекарада өткізу пункттерін одан әрі дамыту, республикалық маңызы бар автожолдардың 12 мың шақырымындағы жол құрылысы мен қайта жаңарту жұмыстары, сонымен бірге 11 мың километрін жөндеу, жол сервисі объектілерін ұлттық стандартқа сәйкес нормативтік жағдайға 100%-ға дейін жеткізуді көздейді.

Төртіншіден, қазір біз жаңа электролиз, мыс балқыту және болат құю зауыттарын салу мәселесін пысықтап жатырмыз. Бұл бастапқы металдар өндірісінің көлемін ұлғайтуға, отандық қайта өңдеушілерді шикізатының қажетті көлемімен қамтамасыз етуге және экспорттық пайданы ұлғайтуға мүмкіндік береді.

• 29.03.2022
• 216