Елімізде 157 елді мекенді су басу қаупі сақталады

Қазгидрометтің наурыздың үшінші онкүндігіне арналған нақтыланған апталық гидрологиялық болжамына сәйкес, республика аумағында ауа райы тұрақсыз, қатты жауын-шашын, 23-28 м/с дейінгі екпінді жел күтіледі.

Қарағанды облысындағы Шерубайнұра, Кеңгір, Ақмола облысындағы Есіл (бастауынан Астана су қоймасына дейін),  Ақмола облысындағы Қалқұтан, Сілеті, Ақтөбе облысындағы Қарғалы өзендерінің бассейндерінде жинақталған ылғал қорының көлемі азайып, орташа көп жылдық мәннен төмен болды. Ақмола облысындағы Жабай, Шағалалы, Батыс Қазақстан облысындағы Шыңғырлау өзендерінің бассейндерінде жинақталған ылғал қорының көлемі норма шегінде.

Ылғал қоры көлемінің артуы орташа көпжылдық мәндермен салыстырғанда Ақмола облысындағы Есіл (Сергеев су қоймасына дейін), өзендерінің бассейндерінде, Ақтөбе облысындағы Ілек, Қарағанды облысындағы Нұра, Батыс Қазақстан облысындағы Чижа-2, Деркөл, Шаған, Қостанай облысындағы Тобыл және Аят өзендерінің бассейндерінде тіркеледі. 

Ақмола, Ақтөбе, Шығыс Қазақстан, Батыс Қазақстан, Қарағанды, Қостанай, Павлодар және Солтүстік Қазақстан облыстарының аумағында оң температураға көшу таяудағы апта ішінде күтіледі, бұл ретте температураның аздап төмендеуімен қатар жүретін болады. Бұл қарқынды қар еру мен сең жүрудің басталуына ықпал ететін болады, бұл осы өңірлердегі су басу қаупі алынбаған су тасқыны қаупі бар 157 елді мекенді су басу қаупін тудыруы мүмкін.

Сонымен қатар Түркістан облысының оңтүстігінде және таулы, тау бөктері аудандарында, Жамбыл облысының солтүстік-шығысында, оңтүстігінде, таулы және тау бөктері аудандарында, Алматы облысының оңтүстігінде және таулы аудандарында жаңбыр мен қар түріндегі қатты жауын-шашын болжанады, осыған байланысты жоғарыда аталған өңірлердің тау бөктері аудандарында көлбеу ағын мен тау өзендері бойынша су тасқыны қалыптасады деп күтілуде, сондай-ақ қар көшкінінің өздігінен түсуіне себеп болуы мүмкін.

Жалпы, қалың жауын-шашын жауған кезде қыс мезгіліне байланысты төтенше жағдайлар жұмыстары (боран, нашар көріну, көктайғақ) жалғасып жатқанын атап өткім келеді. Күн сайын облыстық және республикалық маңызы бар трассаларға шектеулер енгізіледі.

• 31.03.2022
• 211