Бүгін ҚР Парламенті Мәжілісінің пленарлық отырысына қатысып, жер қойнауын пайдалану, құрылыс, көлік және өнеркәсіп салаларын дамыту бойынша нақты қандай шаралар қолға алынғаны туралы баяндап бердім

⚜️Бүгін ҚР Парламенті Мәжілісінің пленарлық отырысына қатысып, жер қойнауын пайдалану, құрылыс, көлік және өнеркәсіп салаларын дамыту бойынша нақты қандай шаралар қолға алынғаны туралы баяндап бердім.

Алдыңғы жазбаларымда айтқанымдай, импортты алмастыру және экспортқа бағдарланған өндірістерді дамыту бағыттары бойынша бағдарлама әзірленіп, 747 жоба енгізілген инвестициялық жобалар пулы жасалған болатын. Оның ішінде негізгі 131 жоба анықталып, жобаларды іске асыру қосымша 131 мың тұрақты жаңа жұмыс орнын құруға мүмкіндік береді.

Бұл ретте айта кетерлігі, аталған бастамалардың барлығы Мемлекет басшысының жекелеген тапсырмалары бойынша әзірленген заң жобасына енгізілген.

Ендігі кезекте әрқайсысына жеке-жеке тоқталып өтсем.

🔹Елдегі құрылыс және тұрғын үй-коммуналдық шаруашылық саласы. Халықты ауыз сумен қамтамасыз ету және халық үшін қолайлы өмір сүру жағдайын жасауға ерекше назар аударылады. Биыл мамыр айында табысы шектеулі 70 мыңға жуық азаматтың баспана мәселесін шешу үшін нарықтан үйді жалға алған азаматтарға тұрғын үй төлемін беру тетігі іске қосылады. Ал, кезекте тұрғандар үшін 10% бастапқы жарнамен және 2-5% мөлшерлемемен «Отбасы банк» арқылы несиеге тұрғын үй және жеңілдікті несие беру жалғасады.

🔹Көлік саласын дамыту шеңберінде жүйелі өзгерістер енгізуді көздеп отырмыз. Осы ретте «Қазақстан темір жолы» ҰК» АҚ-мен бірлесе отырып жолаушыларға арналған вагондар жаңартылуда, еліміздің автобус паркін жаңарту мәселелері де пысықталуда.

🔹Қалаларда ғимараттардың тығыз және ретсіз салынуы сияқты мәселені шешу бойынша нақты шараларды қолға алып жатырмыз. Қазір кешенді қала құрылысы сараптамасы енгізілуде және биыл маусым айында құрылыс салуды жоспарлаудың жаңа стандарттары бекітіледі. Бұл — жоспарланып, жүзеге асырылып жатқан шаралардың бір бөлігі ғана.

🔹Құрылыс сапасын күшейту мақсатында саланы цифрландыру бойынша да түрлі шаралар қабылданып жатыр. Мәселен, құрылыс барысын мониторингілеуге мүмкіндік беретін «eQurylys» ақпараттық жүйесі осы жылы шілде айында енгізіледі.

• 06.04.2022
• 243