«Қазақстан Республикасының Су кодексі» жобасының (жаңа редакциясы) бойынша жария тыңдаулар өтеді

2022 жылғы 5 мамырда «Қазақстан Республикасының Су кодексі» жобасының (жаңа редакциясы) және «Қазақстан Республикасының кейбір заңнамалық актілеріне су ресурстарын қорғау және пайдалану мәселелері бойынша өзгерістер мен толықтырулар енгізу туралы» Қазақстан Республикасы Заңының жобасының реттеушілік саясатының консультациялық құжаттары (бұдан әрі - Консультациялық құжаттар) бойынша жария тыңдаулар өтетінін хабарлайды.

Жария тыңдаулар мына мекенжайда: Нұр-Сұлтан қаласы, Мәңгілік Ел көшесі, 8, «Министрліктер Үйі» әкімшілік ғимараты, 15 кіреберіс сағат 11-00-де өтеді.

Өсіп келе жатқан дағдарысты және су ресурстарының сарқылу қаупін ескере отырып, ҚР Экология, геология және табиғи ресурстар министрлігі консультациялық құжаттарда су үнемдеу саласының ағымдағы проблемаларын көрсетті, сондай-ақ тиімді су пайдалану мен су үнемдеудің құқықтық жағдайларын жасау үшін заңнаманы жетілдіру бойынша ықтимал шешімдер мен шараларды ұсынады.

Консультациялық құжаттардың толық мәтінімен Ашық НҚА интернет-порталында немесе Министрліктің интернет-сайтында сілтемелер бойынша танысуға болады:

https://legalacts.egov.kz/npa/view?id=14011779,

https://legalacts.egov.kz/npa/view?id=14011772, https://www.gov.kz/memleket/entities/ecogeo/documents/1?lang.

Ниет білдірушілер келіп немесе Министрлік ұйымдастырған бейнеконференция арқылы қатыса алады.

Көпшілік тыңдауларды ұйымдастыруға жауапты адамның байланыс деректері: Иманалиев Марат Уәлиханұлы, тел (8 7172) 74 11 42, электрондық пошта m.imanaliev@ecogeo.gov.kz .

• 06.04.2022
• 253