Агенттік деректерді статистикалық талдау үшін «AFR» эконометрикалық топтамасын әзірледі

Жақында Агенттік банктерге деректерді статистикалық талдау жұмысын автоматтандыруға және стресс-тестілеу үлгілерін құруға жәрдемдесуге бағытталған арнайы бағдарламалық өнімді әзірледі.

«AFR» топтамасы «R» бағдарламалау ортасында іске асырылды, онда деректерді статистикалық талдау процестері жүйелендіріліп, автоматтандырылды: деректерді жүктегеннен бастап үлгінің барабарлығын тексергенге дейін. Ол үшін 2010 – 2021 жылдар аралығындағы кезеңде тоқсандар бойынша болжалды банктің 50 макроэкономикалық көрсеткіштерінің деректерін және 10 симуляциялық деректерін статистикалық өңдеу мен талдау үшін қажетті меншікті және кірме функциялардың үлкен жиынтығы пайдаланылады.

AFR топтамасында пайдаланылатын макроэкономикалық көрсеткіштер бойынша статистикалық деректер жаңа деректердің жариялануына қарай өзектендірілетін болады. «AFR» топтамасы CRAN (The Comprehensive R Archive Network) ресми репозиторийінде орналастырылды.

AFR топтамасы Агенттіктің зияткерлік меншігі болып табылады және ұсынымдық сипатқа ие.

Бағдарламалық өнім Агенттік жүргізетін қадағалап стресс-тестілеуді жетілдіру шеңберінде әзірленді.

• 07.04.2022
• 257