Ғылым қызметкерлерлері күнімен!

​​Бүгін, 12 сәуір — ғылым саласы қызметкерлерінің күні. Осы ретте сала қызметкерлерін кәсіби мерекемен шын жүректен құттықтаймын!

Ғылым — даму мен ілгерілеудің басты қозғаушы күші әрі экономикалық дамудың қуатты ресурсы болып табылады. Оның ішінде, Индустрия және инфрақұрылымдық даму министрлігі жауапты салаларда да ғылымның маңызы зор. Бүгінгі Үкімет отырысы барысында да өңдеу өнеркәсібін дамыту мен жоғары технологиялық өндірістерді құруда ғылымның рөлі ерекше екендігіне баса назар аударылды. Бұл еңбек өнімділігі мен халықтың  табысын арттыруға мүмкіндік береді.  Отырысты қорытындылаған Үкімет басшысы Білім және ғылым министрлігіне ИИДМ және Энергетика министрлігімен бірлесіп, ғылыми-техникалық кеңестер құруды, сондай-ақ жер қойнауын пайдаланушылардың ғылыми-зерттеу жұмыстарын қаржыландырудың орталықтандырылған механизмін енгізуді қамтамасыз етуді жүктеді. Бұл бағыттағы жұмыстар әріптестерімізбен бірлесе отырып атқарылатын болады.

Кәсіби мереке күні әріптестеріме ізденіске толы ғылым жолында талмай атқарып жатқан ерен еңбектері үшін алғыс білдіремін. Ғылыми жобаларыңыз бен зерттеулеріңіз сәтімен жүзеге асып, отандық ғылымның дамуына үлесін қоса берсін. Сіздерге мықты денсаулық, отбасыңызға амандық тілеймін.  

Ғылым қызметкерлерлері күнімен!

• 12.04.2022
• 292