ТЖМ сыбайлас жемқорлыққа қарсы іс-қимыл мәселелері «Аманат» партиясы жанындағы Республикалық Қоғамдық кеңестің отырысында қаралды

12 сәуірде Төтенше жағдайлар министрі Юрий Ильин «AMANAT» партиясы жанындағы мемлекеттік басқаруды дамыту және сыбайлас жемқорлыққа қарсы іс-қимыл жөніндегі Республикалық Қоғамдық кеңестің отырысына қатысты.

Отырыс барысында Төтенше жағдайлар министрлігі мен оның аумақтық бөлімшелеріндегі сыбайлас жемқорлыққа қарсы іс-қимыл жөніндегі жұмыстың жай-күйі мәселесі қаралды.

Өз сөзінде Юрий Ильин Сыбайлас жемқорлыққа қарсы іс-қимыл Министрлік қызметінің маңызды бағыты болып табылатынын атап өтті. Бұл бағытта қоғамдық бақылауға және сыбайлас жемқорлыққа қарсы іс-қимылдың жаңа әдістеріне ерекше назар аударылады.

Азаматтардың сенімін арттыру мақсатында, сондай-ақ жобалық басқару шеңберінде «сыбайлас жемқорлықтың алдын алу және оған қарсы іс-қимыл» үлгілік базалық бағыты іске асырылуда. «Халық үніне құлақ асатын мемлекет» қалыптастыру аясында 2021 жылы сенім телефонының жұмысын ұйымдастыру тәртібі бекітілді. Сондай-ақ, бүгінгі таңда Министрлік 12 мемлекеттік қызмет көрсетуде, олар электронды форматқа көшірілді.

Айта кету керек, 2021 жылы сыбайлас жемқорлық қылмыстары бойынша сотқа дейінгі тергеулердің төмендеуі 2020 жылмен салыстырғанда 43%, ал 2019 жылмен салыстырғанда 71% құрады.

Отырыс барысында Қоғамдық кеңес мүшелерімен су тасқынына қарсы іс-шараларды ұйымдастыру, лифтілердің қауіпсіздігін қамтамасыз ету саласындағы бақылау, қызметкерлерді әлеуметтік қамтамасыз ету бойынша бірқатар мәселелер айтылып, тиісті түсініктемелер берілді.

Жалпы, сыбайлас жемқорлыққа қарсы іс-қимыл мәселелері бойынша ТЖМ жұмысының оң динамикасы атап өтілді, осы саладағы тиімділікті одан әрі арттыру бойынша ұсынымдар қабылданды.

• 12.04.2022
• 174