Қазақстан Республикасы Парламенті Сенатында су тасқыны кезеңі бойынша отырыс өтті

2022 жылғы 14 сәуірде Төтенше жағдайлар министрі Юрий Ильин Қазақстан Республикасы Парламенті Сенатындағы отырыста елдегі ТЖ жоюдың қалыптасқан жағдайы мен қабылданып жатқан шаралары туралы сөз сөйледі.

ТЖМ-нің негізгі міндеті - адам өліміне жол бермеу және елді мекендерде су басу қаупін азайту. Министрлік төтенше жағдайлардың алдын алу және оларды жою жөніндегі іс-шараларды үйлестіруші ретінде жыл сайын ведомствоаралық комиссияның отырыстарында республикалық және облыстық деңгейлерде, сондай-ақ Үкіметтің, Қауіпсіздік Кеңесінің отырыстарында су тасқынына дайындық мәселелерін қарайды.

2017 жылдан бастап Төтенше жағдайлар министрлігі әзірлейтін Су тасқынына қарсы іс-шаралардың жол карталарын іске асыру өзінің тиімділігін көрсетіп отыр, бүгінгі күні еліміз бойынша 1 010 су тасқыны қаупі бар елді мекен бар. Өзен арналарын, каналдар мен арықтарды тазарту, қорғаныс бөгендері мен гидротехникалық құрылыстарды салу және жөндеу, жергілікті құлақтандыру жүйелерін орнату бойынша жүргізілген іс-шаралар су басу қаупін кезең-кезеңімен азайтуға мүмкіндік берді.

Мәселен 180 мыңнан астам халқы бар 340 елді мекенде қауіп-қатер жойылды және 231 мыңнан астам халқы бар 385 елді мекенде қауіп-қатер барынша азайтылды, су басудың ықтимал қаупі 285 елді мекен үшін сақталып отыр, оның ішінде 132-сі бұрын картамен қарастырылмаған.

Су тасқыны кезеңі басталғаннан бері республика бойынша 11 елді мекендегі 192 тұрғын және 78 саяжай үйі, 3 әлеуметтік нысан еріген қар суының астында қалды. Суды бұру жұмыстары толығымен аяқталды. Ауқымды су тасқынына қарамастан, халықты жою және хабардар ету уақтылы жүргізілді, адам шығынына жол берілген жоқ.

Барлығы 1 595 адам эвакуацияланды, оның ішінде 15–і уақытша эвакуациялау пункттеріне орналастырылды, 1 580-і үйлеріне оралды. Облыстық және жергілікті маңызы бар жолдардың 20 учаскесінде су тасқыны жалғасуда, 6 учаске және жергілікті маңызы бар 3 көпірді су шайды. 2 мың текше метрден астам еріген қар суы сорылды.

Жоюға барлығы 2 285 адам, 778 бірлік техника, 350 су сорғыш құрал және 18 жүзу құралы жұмылдырылды. Оның ішінде ТЖМ жеке құрамынан 775 адам, 188 бірлік техника, 111 су сору құралы және 13 жүзу құралы. Ақтөбе қаласында, сондай-ақ Батыс Қазақстан облысының Бөрілі, Жәнібек, Қаратөбе және Шыңғырлау аудандарында жергілікті ауқымдағы 5 төтенше жағдай жарияланды. Қазір Батыс Қазақстан облысындағы жағдай РФ Орынбор облысы Ташлин ауданы Пустобаево кентіндегі су қоймасындағы бөгеттің денесін шайып кету салдарынан бақылауда тұр.

Сөз соңында Министр су тасқыны кезеңі жалғасып жатқанын және Министрлік адамдардың өліміне жол бермеу және залалды азайту бойынша барлық қажетті шараларды қабылдап жатқанын атап өтті.

• 14.04.2022
• 173