Алғашқы кездесуім Атырау облысының тұрғындарымен 21-22 сәуірде Атырау қаласында өтетінін хабарлаймын.

Мемлекет басшысы Қасым-Жомарт Тоқаев орталық атқарушы органдардың басшылары халықпен кездесулер өткізуі туралы Жарлыққа қол қойған болатын. Көзделген негізгі мақсат – елде жүргізіліп жатқан шаралар мен реформалардың мән-мағынасын халыққа түсіндіріп, тұрғындарды ақпараттандыру деңгейін одан әрі арттыра түсу, сонымен бірге азаматтардың мәселелерін жедел шешіп, атқарушы органдардың халық алдындағы жауапкершілігін күшейту болып табылады. Осы ретте біз ел тұрғындарын толғандыратын мәселелерді талқылауға әрқашан дайын екенімізді ерекше атап өткім келеді. Сәйкесінше, осындай форматтағы кездесулер халық пен билік арасындағы байланысты нығайтуда маңызды құрал деп санаймын. Мемлекет басшысының тапсырмасы шеңберіндегі алғашқы кездесуім Атырау облысының тұрғындарымен 21-22 сәуірде Атырау қаласында өтетінін хабарлаймын. Сұрақтарыңыз бен ұсыныстарыңызды miirpress@gmail.com поштасына жіберулеріңізге болады. Өңірлерде кездесулер өткізілгеннен кейін ҚР Индустрия және инфрақұрылымдық даму министрлігінің ресми интернет-ресурсында кездесулердің қорытындылары мен халық тарапынан көтерілген сұрақтардың тізімін жариялайтын боламыз. Сондай-ақ, өзекті мәселелердің шешілу барысы мен іс-қимыл жоспары туралы да есеп беріп отырамыз.

• 14.04.2022
• 258