ҚР Жоғарғы Соты мен ҚНРДА-ның қаржылық қызметтерді тұтынушылардың құқықтарын қорғауды күшейту жөніндегі бірлескен шаралары туралы

ҚР Жоғарғы Соты және ҚР Қаржы нарығын реттеу және дамыту агенттігі Ынтымақтастық туралы меморандумға қол қойды, оның басым мақсаты қарыз алушылардың құқықтарын қорғауды күшейту болып табылады.

Жоғарғы Сот пен Агенттіктің алдағы 5 жылдағы бірлескен қызметі өзара іс-қимыл жасаудың негізгі бағыттары мен нысандарын әзірлеуге, қаржылық қызметтерді тұтынушылардың бұзылған құқықтары мен заңды мүдделерін қалпына келтіруге және уақтылы қорғауға бағытталған бірлескен бастамаларды іске асыруға бағытталатын болады.

Қарыз алушылардың құқықтарын қорғауды күшейту үшін банктермен, МҚҰ-мен және коллекторлық агенттіктермен дауды реттеудің сотқа дейінгі және соттан тыс тәртібінің міндетті рәсімі туралы бірлескен түсіндіру жұмысы белсенді жүргізілетін болады.

Агенттік дауларды сотқа дейін, соттан тыс реттеудің баламалы институттарын кеңінен қолдануды танымал етуге және қаржы нарығының субъектілері үшін іс-қимыл алгоритмін әзірлеуге ниетті.

Бұдан басқа, ынтымақтастық шеңберінде Агенттік еліміздің жоғарғы сот органымен бірлесіп құқықтық ақпаратпен және сот практикасының материалдарымен алмасып, конференциялар, семинарлар мен кездесулер өткізетін болады.

• 18.04.2022
• 216