Жұмыс уақыты басталғанға дейін қаланы аралау кезінде аудандарымызға бардық.

✅Жұмыс уақыты басталғанға дейін қаланы аралау кезінде аудандарымызға бардық. Сонымен қаланың 4 ауданына қатысты біраз мәселе талқыланды. Абаттандыруға, сол сияқты жол инфрақұрылымына, оның ішінде әлеуметтік нысандарға кіретін жолдарға ерекше назар аударуды тапсырдым. Биыл 100-ге жуық көшені салу және жөндеу жоспарланып отыр.
Маңызды бағыттардың бірі – әлеуметтік нысандар салу. Мәселен, Кирпичный елді мекенінде апатты жағдайдағы мектепті бұздық, оның орнына 1200 орындық жаңа әрі жайлы мектеп саламыз (екі ауысымда). Сондай-ақ екі елді мекенде дене шынықтыру-сауықтыру кешендері жұмыс істейді. Қала тұрғындарының өтініші бойынша дәл осындай кешен Үркер (Ильинка) елді мекенінде салынады. Бұдан бөлек, 200-ден астам аула мен қоғамдық кеңістікті салып, абаттандырамыз. Сонымен қатар елорда тұрғындарымен тұрақты түрде, әсіресе елді мекендердің тұрғындарымен кездесеміз, әр апта сайын азаматтарды қабылдап тұрамыз.
Қалада осыған дейін абаттандыру, санитарлық тазалау, жол жөндеу және т.б. жұмыстар басталып кетті.

• 19.04.2022
• 140