Қауіпсіздік тақырыбы

Қала тұрғындарымен жоспарлы кездесулерімде шахарымыздағы қауіпсіздік тақырыбына кеңінен тоқталып, түсіндіріп өтудемін. Себебі ол өте маңызды.

Мегаполисімізде өмір қарқыны үнемі өсуде. Инфрақұрылым күрделеніп, оған кіретін жүйелердің саны артуда. Оған қала қауіпсіздігі мен бақылау жүйелері қосылғаны мәлім. Тұрғындарымыздың қауіпсіздігін қамтамасыз ету үшін қажетті құралдың бірі бақылау камералары болып табылады, яғни қалада болып жатқан барлық оқиғаларды үнемі бақылайтын жүйе.
Осы мақсатта 2021 жылы қаламыздағы 3 153 камераға 3 177 жаңа камера қосылып, жалпы саны 6 330 данаға жетті. 2021 жылғы қылмыстық деңгейдің 3.2 пайызға азайғанын нақты нәтиже ретінде қабылдасақ, бағытымыздың дұрыс екенін көруге болады. Бұл әлемдік тәжрибе. Ал биылғы жоспарымызда қазіргі жүйеге тағы1000 камера қосу бар. Барлығы сіз бен біздің, яғни өзіміздің қауіпсіздігіміз үшін екенін білгеніміз абзал.
Мақсатымыз - қаламыздың "қауіпсіз алаң"ын барынша кеңейтіп, барлық салада заң талаптарын сақтауға үгіттеу. Заң аясындағы әрекеттерді камералардың көрмейтіні тағы бар.
Жұмыстарымыз жалғасады. Аман болайық.
 

• 21.04.2022
• 162