Биыл есеп беру форматы өзгерді.

Өткен апта Абай ауданының шалғай орналасқан 15 елдімекенінің 400-ге жуық тұрғындарына, бүгін де аталған ауданның Қазығұрт, Арғымақ, Карл Маркс, Құрсай, Айкөл, Ақжар және Ақтас-1,2 шағын аудандарынан келген 250-ден аса тұрғындарына есеп бердім.

34 елдімекені бар ауданда өзекті мәселенің бірі – инфрақұрылым. 2021 жылы 8 елді мекен ауыз сумен қамтылған. Биыл Құрсайдың жаңақұрылыс аумағы мен Арғымақ шағын ауданына су беріледі. 2022 жылы Арғымақ, Ақжар, Ақтас-1,2 шағын аудандары газбен қамтылса, Құрсайдың жаңа құрылысына 2023 жылы табиғи газ жүйесі тартылады.

Жыл басынан бері аудан тұрғындарымен кездесулерде 374 мәселе көтерілген. Бүгінде оның 78-і шешілген, 249 мәселе жыл соңына дейін, 47-сі 2025 жылға дейін шешімін таппақ.

Кездесу сұрақ-жауап форматында жалғасты.
 

• 21.04.2022
• 274