Цифрлық даму

Цифрлық даму жолында қала аумағын сапалы интернетпен қамтамасыз ету - бүгінгі күннің басты талабы. Сондықтан биыл сапалы мобильді интернетпен қамту көрсеткішін 95%-ға, ал талшықты оптикалық байланыс жүргізілген аумақты 75 пайызға дейін жеткізу жоспарымызда бар.

Қаладағы интернет жылдамдығы нашар 11 елдімекенге, атап айтқанда Қызылжар, Ақниет, Жаңаталап, Мәртөбе, Игілік, Тоғыс пен Елтай орталығына, Азат, Тәуелсіздікке 20 жыл, Құрсай, Асар және Тұран шағынаудандарына мобильді байланыстың базалық станциясы орнатылады. Осылайша мұндағы 71 мыңнан астам тұрғын сапалы мобильді интернетке қосылса, қамту көрсеткіші 95 пайызға жетеді. Осы бағыттағы жұмыстардың нәтижесінде 2024 жылы қала толығымен сапалы мобильді интернетке қосылады.

Сонымен бірге инвесторлардың көмегімен талшықты оптика желісін тарту жұмыстары жүргізілуде. Былтыр 10 елдімекенге талшықты оптика желісі тартылып, 100 мың тұрғын сапалы интернетке қосылды. Ал биыл тағы 15 елдімекенге, атап айтқанда Ақниет, Самал-3, Ынтымақ, Қызылжар, Қарасу, Қарабастау, Жайлау, Забадам, Мирас, Асар-2, Солтүстік батыс, Мәртөбе, Құрсай, Қайнарбұлақ, және Қазығұрт елдімекендеріне талшықты оптика желісі тартылады. Нәтижесінде 165 мыңнан астам тұрғын сапалы интернетке қол жеткізбек. 2025 жылы мегаполисімізді оптикалық интернет желісімен қамту үлесін 100 пайызға жеткізуді көздеп отырмыз.

• 21.04.2022
• 254