ТЖМ кеңейтілген алқа отырысы өтті

2022 жылғы 21 сәуірде менің төрағалығыммен ТЖМ ағымдағы жылдың бірінші тоқсанындағы азаматтық қорғау органдары қызметінің қорытындысы бойынша алқа отырысы өтті. Оның жұмысына ТЖМ орталық аппаратының басшы құрамы, аумақтық төтенше жағдайлар департаменттерінің бастықтары қатысты.    

Бірінші тоқсанда 2 434 төтенше жағдай мен табиғи және техногендік сипаттағы оқиғалар тіркелгенін атап өтті. Төтенше жағдайларды жою кезінде ТЖМ бөлімшелерімен 4 296 адам құтқарылды, төтенше жағдайлар аймағынан 3 089 адам эвакуацияланды, 877 зардап шегушіге алғашқы медициналық көмек көрсетілді. Құтқару бөлімшелері төтенше жағдайға 12 566 рет шықты.

Алқа барысында қысқы кезеңдегі ТЖ қорытындылары және алдағы өрт қауіпті кезеңге дайындық мәселелері, атап айтқанда, елді мекендердің айналасында минералданған жолақтарды орнату бойынша нақты шаралар қабылдау, өрт техникасының табиғи өрттердің туындауына жедел ден қоюға дайындығын қамтамасыз ету, ЖАО және орман шаруашылықтарымен өрт қауіпті маусымға күштер мен құралдардың дайындығын қамтамасыз ету бойынша жұмыстар жүргізу талқыланды.

Қорытындылай келе, Мемлекет басшысының тапсырмаларын іске асыруға, сондай-ақ қызметтік дайындықты және азаматтық қорғау органдары қызметінің басқа да бағыттарын ұйымдастыруға бағытталған бірқатар негізгі мәселелерді атап өттім.

• 21.04.2022
• 167