ТЖМ табиғи өрттерге жол бермеу бойынша шаралар ды жүзеге асыруда

Министрлік, әкімдіктермен және мүдделі мемлекеттік органдармен бірлесіп, алдын алу шараларының кешенін қабылдауда. Барлық өңірлерде алдын алу іс-шараларын іске асыруға кірісті.

Мүдделі орталық және жергілікті атқарушы органдармен келісілген, арнайы ведомствоаралық жоспар әзірленді. (ҚМ, ІІМ, ИИДМ, БҒМ, ЦДИАӨМ, ҰҚК, ЭМ, АҚДМ және облыстардың әкімдіктері) 

Күштер мен құралдардың аймақтық топтары анықталды.

Жоспарға сәйкес жағдай күрделенген жағдайда ірі өрттер аймағына барлығы 39 мыңға жуық адам тартылады (ТЖМ – 1 599, ІІМ – 3 741, ЭГТРМ – 3 663, ҚМ – 301, ИИДМ – 1 549, әкімдіктер – 28 125), 8 мыңнан астам техника, су ағызу құрылғылары бар 10 тікұшақ (Қорғаныс Министрлігінің 6 әуе кемесін қоса алғанда) және 46 өрт сөндіру поезы.

Қатысты қызметтер отпен күресуге арналған құрал жабдықтар қорымен қамтамасыз етілген, оның ішінде саны 6 мың бірлік аспалы өрт сөндіргіштер, 1 318 мотопомпа және 32 мыңнан астам қарапайым құрал-саймандар бар.

Қосымша, ірі өрттер туындаған жағдайда, Министрлік жергілікті жерлерде жүріп өту мүмкіндігі жоғары және сыйымдылығы үлкен өрт сөндіру автоцистерналарымен жарақтандырылған, табиғи өрттерді 14 тәулікке дейін автономды режимде сөндіруді жүзеге асыруға қабілетті мемлекеттік өртке қарсы қызметтің жиынтық жасақтарын құрды.

Ормандар мен далалардың тұтану ошақтарын дер кезінде анықтау үшін, тұрақты авиациялық патрульдеу басталды.

ТЖМ сәуір айының басынан бастап ұлттық парктердің, табиғи қорықтардың, сондай-ақ балаларды сауықтыру лагерлерінің өртке қарсы жағдайы мен дайындығын тексеруді бастады. Ағымдағы жылдың мамыр айының соңына дейін ТЖМ өрт инспекциясы бұл тексерулерді аяқтайды.

Ғарыштық мониторингті қамтамасыз ету мақсатында, «Қазақстан Ғарыш Сапары» АҚ-мен осындай қызметтерді алуға шарттар жасалды.

Өзара іс-қимыл мәселелерін пысықтау үшін, шекара маңындағы аумақтарда Ресей ТЖМ бөлімшелерімен 8 іргелес аймақтармен өрт-тактикалық жаттығулар жоспарланған. (Астрахань, Орынбор, Саратов, Қорған, Тюмень, Челябинск, Омбы облысы және Алтай өлкелері).

• 22.04.2022
• 193