Цифрлы Қазақстан. Біздің жобалар.

Құқықтық статистика және арнайы есепке алу комитетінің тақырыбын жалғастыра келе, олардың Қазақстанның құқық қорғау жүйесін цифрландыру жөніндегі жұмысқа қосқан зор үлесін атап өтпесек болмас.

Қазіргі заманғы инновациялық технологиялар құқық қорғау органдарының жұмысында, оның ішінде азаматтардың конституциялық құқықтарын қорғауды қамтамасыз етуі маңызды құралға айналғанын мойындау керек.

Бас прокуратурада цифрландыру үшін Құқықтық статистика және арнайы есепке алу комитеті жауап береді, ол бүгін өзінің жобалары мен ақпараттық жүйелерін таныстыруды өткізді.

Атқарылған жұмыс аз емес. Қылмыстық және әкімшілік процестер автоматтандырылды, өтініштер «Е-өтініш» бірыңғай платформасы арқылы тіркеледі. Бұл платформаға барлық мемлекеттік органдар қосылған. Тексерулерді міндетті түрде тіркеу арқылы бизнес негізсіз қысымнан  қорғалған.

Осының арқасында мемлекеттік бақылау мен қадағалау жедел әрі ашық бола түсті, түрлі бұрмалау мен сыбайлас жемқорлық тәуекелдері азайды.

Жалпы, прокурорлық қадағалау мен IT-технологияларды қолдануды байланыстыратын құқықтық ақпаратты қалыптастыру моделінің бірегейлігін айқындағым келеді. Бұл заманауи инновациялық тәсілдер құқық қорғау органдарының жұмысында маңызды рөл атқарады.

Сондықтан біздің алдымызда жүйелерімізді одан әрі жетілдіру бойынша әлі де көп жұмыс бар, және олардың басым бөлігі «Цифрландыру, ғылым және инновациялар есебінен технологиялық серпіліс» ұлттық жобасы шеңберінде іске асырылып жатыр.

• 23.04.2022
• 280