Саудамині – Dosmart қолданып кэшбэк ал

26 қазанда Сауда және интеграция министрі Бақыт Сұлтанов Орталық коммуникациялар қызметінде (ОКҚ) өткен брифингте сөз сөйледі.

Ол сауда ведомствосының еліміздің Президентінің қыркүйек айындағы Жолдауын іске асырудағы рөлі туралы, Сауда және интеграция министрлігінің міндеттері неде екенін, сондай-ақ цифрландыру қазақстандықтарды бағаны тұрақтандырудың жалпы процесіне тартуға қалай көмектесетіні туралы түсіндірді.

- Баға мониторингінің тұтас жүйесін құру бойынша жұмыс жүргізудеміз, - деді министр. -  Мұнда біз нақты уақыттағы бағаларды бақылауға көмектесетін 4 дерек көзін қарастырудамыз.

1. Dosmart жүйесінің көмегімен біз өнімдер мен дәрілік заттардың өзекті құны бойынша ақпарат аламыз.

Жүйенің тіркелген пайдаланушыларының саны 28 мыңға жетті. Жыл соңына дейін Қазақстанның барлық қалаларына тауарлар каталогын ұлғайту және әртүрлі дүкендердегі белгілі бір тауарға бағаларды салыстыру мүмкіндігі жоспарланып отыр. Пайдаланушыларға ақпаратты ұсынғаны үшін кэшбек қамтамасыз етіледі.

1. Қаржы министрлігі, Қазақтелеком, Транстелеком базаларымен интеграциялау бойынша жұмыс жүргізілуде, бұл бізге БКМ (бақылау-кассалық машина) арқылы ӘМАТ-ның бағалары туралы қосымша деректерді онлайн алуға мүмкіндік береді.
2. Деректерді жинау бойынша жұмысты жеделдету үшін Министрлік Қаржы министрлігімен және Қазақтелекоммен бірлесіп тауарлар мен өнімдердің бірыңғай ұлттық каталогын құру бойынша жұмыс жүргізуде.
3. Электрондық коммерциялық алаңдардағы parsing технологиясы арқылы біз белгілі бір өнімдер мен тауарлардың нақты уақыттағы бағаларын қадағалаймыз.

Бұл тұтынушыларға тауарлардың, әсіресе ӘМАТ-дың үздіксіз жеткізілуіне кепілдік береді, сондай-ақ бағаларды теңдестіруге, ал жекелеген өнімдер бойынша тіпті 45%-ке дейін төмендетуге мүмкіндік береді.

Тұтынушылар туралы айта отырып, Мемлекет басшысы халықтың әл-ауқатының маңызды аспектілерінің бірі ретінде тауарлар мен қызметтердің сапасын арттыру мәселесіне үлкен назар аударатынын атап өткен жөн.

• 26.10.2020
• 377