Бірінші Президент күнімен құттықтау

Құрметті отандастар!

Осымен үшінші жыл елімізде мемлекеттік мереке - Қазақстан Республикасының Тұңғыш Президенті күні атап өтілуде. Мемлекет басшысының дана саясатының арқасында Қазақстан саяси-экономикалық салада да, халықаралық деңгейде де үлкен жетістіктерге қол жеткізді.

Нұрсұлтан Әбішұлы Назарбаев қазіргі заманның ең беделді саясаткерлерінің бірі екені сөзсіз. Көшбасшылық қасиеті және көрегендігі, саяси-экономикалық және саяси дамудағы жаһандық үрдістерді алдын ала біліп отыратын ерекше қасиеті үшін Ұлт Көшбасшысын әлем елдері мойындайды және сыйлайды.

Нұрсұлтан Әбішұлының өмірлік және еңбек жолы, азаматтық ұстанымы, отансүйгіштігі барлығымызға, әсіресе өсіп келе жатқан қазақстандықтарға жарқын үлгі бола алады. Еліміздің қалыптасуы мен дамуына қосқан тарихи еңбегіне зор құрмет көрсете отырып, барлық қазақстандықтарды мемлекеттік мереке - Тұңғыш Президентіміздің күнімен құттықтаймын. Еліміздің дамуы әрқайсымызға байланысты, сондықтан әр азамат Қазақстанның дамуы мен гүлденуіне өзіндік үлесін қосуы керек.

Осы мүмкіндікті пайдалана отырып, барлық отандастарымызға денсаулық, бейбітшілік және береке тілеймін.

• 29.11.2014
• 15142