Сайрам ауданында "Егістен төреге дейін" жобасы аясында республикалық семинар-кеңес өтті

Сайрам ауданында өткен «Егістен сөреге дейін» жобасы аясында ауыл шаруашылығы өнімдерін өткізу нарығын кеңейту жөнінде республикалық семинар-кеңес өтті. Бұл семинарды өңірімізде өткізуде үлкен мән бар. Себебі облысымыз көкөніс өсіруден елімізде көш бастап тұр. Диқандармен, кәсіпкерлермен үнемі кездесіп, оларға тамшылатып суғару, жаңбырлатып суғару, «Бір алқаптан жылына 2-3 өнім алу» жобалары түсіндірілді. Диқандарымыз жаңа технологияны меңгеруде. Енді жерлестеріміз білгендерін республика көлемінде үйрете бастады.

 Семинарда баға тұрақтылығын қамтамасыз ету, ауыл шаруашылығын дамыту бойынша жаңа тәсілдер мен технологияларды енгізу жолдарын талқыланып,  мол өнім алу тәсілдері үйретілді. 

Түркістан облысының басқа өңірлерден ерекшелігі  ыстық және жылы ауа райы ұзақ сақталады. Жаңа піскен көкөністер басқа өңірлерге қарағанда 1,5-2 ай ерте жиналады. Өңірде ауыл шаруашылығын дамытуда жаңа технологияларға басымдық берудеміз. Су үнемдеу, тамшылатып суғару, үйіргелік жерге көкөніс егу, агроқұрылымдарды ірілендіру жұмыстары жүріп жатыр. Жұмыс күші де жеткілікті. Семинар барысында облыс және республикалық маңызы бар қала әкімдіктері арасында ауыл шаруашылығы өнімдерін өткізу жөнінде өзара ынтымақтастық туралы меморандумға қол қойдық. Енді осы өнімдерді сату және тасымалдау жеңілдеп, бағаны тұрақтандыруға да оң әсерін тигізбек.

• 28.04.2022
• 243