Түркістан қаласы маңындағы су нысандарын бақылап, Отырар ауданындағы Жетікөл және Кентаудағы «Кеңсай-Қосқорған-2» су реттегіші аумағына барып, жай-күйімен таныстым.

Түркістан қаласы маңындағы су нысандарын бақылап, Отырар ауданындағы  Жетікөл және Кентаудағы «Кеңсай-Қосқорған-2» су реттегіші аумағына барып, жай-күйімен таныстым. 
Ағын суды молайту, оны тиімді пайдалану бағытында аса маңызды жобалар жүзеге асырылуда. «Жетікөл көлдер жүйесін жаңғырту» жобасының құрылысы арқылы 34 шақырымға бөгет жасалынып, көлге 370 млн. м3 су тасталынды. Бүгінгі күннің өзінде көл аумағының фаунасы өзгеріп, табиғи құстар шоғыры пайда болды. Ендігі кезекте құстар мен балықтардың көбеюіне жағдай жасау қажет. Браконьерлермен күрес күшейтіледі. Екінші кезекте аңшылық туризмін заман талабына сай дамытқан жөн. Осы көлдер жүйесінде кәсіпкерлікпен айналысып жүрген кәсіпкерлерге су көзін орынсыз әрі тиімсіз пайдалануға жол берілмейді. Аңшылық туризмін дамыту үшін келушілерге тиімді жағдай жасап, ақпараттандыру мәселесін де қолға алу керек. Ең басты міндет – табиғат пен суда тіршілік ететін құстарды, балықтарды қорғау. Жасыл алқаптарды көбейту.
Қолға алынған жобалардың бірі – құрылысы өткен жылы аяқталған «Кеңсай-Қосқорған-2» су реттегіші. Қазіргі таңда мұнда 14 млн. текше метр су жиналып үлгерді. Су көлемін 30 млн. текше метрге жеткізу жоспарда бар. Алдағы уақытта бұл су қоймасы тек ауыл шаруашылығына ғана емес, туризм үшін де пайдаға асырылмақ. Су спортын дамытуға да мүмкіндіктер туады.
Бұл ретте ауқымды жұмыс атқарған ғалымдар мен осы салаға жауапты азаматтарға алғысымды айтамын. Түркістан туризмі дами берсін!

• 28.04.2022
• 268