Әбілқасымова М.Е.
ҚР Қаржы нарығын реттеу және дамыту агенттігінің төрайымы
Халықаралық қаржы корпорациясы мен ҚНРДА-нің арасындағы ынтымақтастық туралы шартқа қол қою туралы
"Жасыл" қаржыландыруды дамытуда қаржы секторы негізгі рөл атқарады. Осы бағыт шеңберінде Агенттік ESG (Еnvironmental, Social, and Corporate Governance / Экологиялық, әлеуметтік және корпоративтік басқару, бұдан әрі - ESG) стандарттарын бірлесіп әзірлеу және Қазақстанда "жасыл" қаржыландыруды дамыту бойынша халықаралық қаржы корпорациясымен (International Finance Corporation, бұдан әрі - IFC) ынтымақтастық туралы шартқа қол қойды.
Ынтымақтастық туралы шартты іске асыру қорытындысы бойынша Агенттік IFC-мен бірлесіп мынадай үш негізгі құжатты дайындайтынын атап өткім келеді:
1. Қазақстанда тұрақты және" жасыл " қаржыландыруды енгізу жөніндегі іс-қимыл жоспары (жол картасы);
2. Қаржы ұйымдары үшін экологиялық және әлеуметтік тәуекелдерді және корпоративтік басқару тәуекелдерін (ESG) басқару жөніндегі Нұсқаулық;
3. Қаржы ұйымдары үшін ESG өлшемдері бойынша ақпаратты ашу жөніндегі Нұсқаулық.
Қаржы нарықтары неғұрлым тұрақты және "жасыл" жобалар мен салаларға қаржы ағындары мен инвестицияларды қайта бөлудің негізгі құралы болып табылады. Қазақстанның тұрақты экономикаға көшу жөніндегі міндеттемелерін ескере отырып, қаржы нарығында ESG қағидаттарын енгізу ерекше өзекті болып отыр. Агенттік пен IFC арасындағы ынтымақтастық туралы шартқа қол қою қаржы ұйымдарын реттеуде тұрақты даму саласындағы озық тәжірибе мен үздік халықаралық практиканы қолдануға мүмкіндік береді.
- 29.04.2022
- 227
