Қазақ тарихында Созақтың өзіндік орны бар

Қазақ тарихында Созақтың өзіндік орны бар. Апта ортасында шежірелі өлкеге арнайы барып, тұрғындармен кездестім.  Облыста, ауданда атқарылып жатқан жүйелі жұмыстар туралы баяндап, жол салу, газбен қамтамасыз ету, медицина саласындағы кемшіліктер сияқты өзекті мәселелерді талқыладық. Мемлекет басшысы Қасым-Жомарт Тоқаевтың тапсырмасымен қолға алынгған саяси рфеормалар жөнінде де ой қозғадым.  
Біз шаруаларға семинарлар өткізіп, тамшылатып суғару және жаңбырлатып суғару тәсілдерін енгізіп жатырмыз. Созақ ауданында да бақша дақылдарынан өнімділікті арттыруға мүмкіндік мол. Ауыл шаруашылығы саласында мол табысқа жетуге болады. Өткен жылы ауыл шаруашылығы саласындағы жалпы өнім көлемі 17,6 млрд. теңге болып, ауыл шаруашылығының негізгі капиталына инвестициялар тартылған. Мемлекеттік бағдарламалар арқылы тұрғындар өз кәсібін бастап, нан және сүт өнімдерін шығаруға атсалысып, балық, ет сату бизнесін дамытуда. 
Бұл жақтың мәселелерін де білемін. Кездесуде көтерген газ мәселесі біздің назарымызда тұр. Шолаққорғанға газ тарту жұмысы жүріп жатыр. Ол алдағы уақытта шешіледі. Жол құрылысы да аяқталады. Жалпы екі жылда Созақтағы қанағаттанарлық деңгейдегі жолдардың үлесі 80-90 пайызға жетеді деп ойлаймын. Шолаққорғанда мектеп салынады. Жедел жәрдемге қатысты ұсыныс та қаралып, заң аясында шешім қабылдаймыз.
Кездесу соңында тұрғындарды жеке қабылдадым. 
Жалпы Созақтың болашағы өте жарқын деп есептеймін. Уран қоры, фосфор кеніші және ауыл шаруашылығын дамытуға қолайлы аумағы, еңбекқор әрі ынтымағы жарасқан тұрғындары бар. Шежірелі өлке жаңарған Түркістанмен бірге дами береді!

• 29.04.2022
• 179