Елордада тұрғындардың саны жыл сайын артып келе жатқанын ескерер болсақ инженерлік желілерге қосымша күш түсіп отыр.

Елордада тұрғындардың саны жыл сайын артып келе жатқанын ескерер болсақ инженерлік желілерге қосымша күш түсіп отыр: сумен жабдықтау, жылумен жабдықтау, электрмен жабдықтау, кәріз-тазарту құрылыстары, нөсер кәріздері. Тұрғындар үшін өмір сүру қолайлылығы, қаланың дамуы, инвестициялар тарту және т.б. инженерлік желілердің тиімді жұмысына тікелей байланысты.
Мемлекет басшысының тапсырмасы бойынша осы мәселені шешу үшін бірқатар стратегиялық нысандардың құрылысын жүргізіп жатырмыз. Инфрақұрылымды дамыту жоспары бүгін қалалық мәслихат тарапынан қолдау тапты.
✅Бірінші. Сорғы-сүзу станциясы (ССС-3)
Суға қатысты проблемаларды шешу үшін өткен жылдан бастап сорғы-сүзгі станциясының (ССС-3) құрылысы басталды. Нысан осы жылдың соңына қарай ішінара пайдалануға беріледі, ал 2023 жылдан бастап жаңа ССС-3 жұмысының қуатын ұлғайтамыз. Бұл болашақ құрылыс алаңдарын ауыз сумен қамтамасыз етіп қана қоймай, қазіргі су беру қуатын арттыруға мүмкіндік береді. Мәселен қазір тәулігіне 300 мың текше метр су тұтынатын болсақ, онда ССС-3 тәулігіне қосымша 100 мың текше метрден астам қуат береді.
✅Екінші. ЖЭО-3, жергілікті газ қазандықтары
Елордада соңғы 3 жылда 8,5 млн шаршы метр тұрғын үй салынғаны себепті жылумен қамту қуатын арттыру қажет. Ол үшін ЖЭО-3 құрылысын жаңғыртудан бөлек үш жергілікті газ қазандығын жобалау бойынша жұмыстарды бастадық. Газ қазандықтарының қуаты сағатына 1 мың гигакалориядан асады, бұл ЖЭО-3 қуатынан 3 еседен де көп. Бұл құрылыс жүретін перспективалы аудандарды жылумен қамтуға мүмкіндік береді.
✅Үшінші. Газдандыру
Алматы және Сарыарқа аудандары толығымен газдандырылды. Ол үшін 680 км-ден астам газ тарату желісі салынды. Сондай-ақ, газ тарату желісі қалған екі ауданда салынатын болады.
✅Төртінші. Кәріз-тазарту құрылыстары, электрлік қосалқы станциялар
Кәріз тазарту құрылыстарын жобалау (КТҚ-2), сол сияқты «Наурыз» қосалқы станциясын жобалау, «Арай», «Жұлдыз» қосалқы станцияларын реконструкциялау және т.б. бойынша жұмыстар жүріп жатыр. 

• 29.04.2022
• 239