Тбилисиге жұмыс сапары аясында қатысқан Қазақстан-Грузия сауда-экономикалық ынтымақтастық жөніндегі Үкіметаралық комиссиясының 11-ші отырысының қорытындылары туралы егжей-тегжейлі айтып берсем.

Тбилисиге жұмыс сапары аясында қатысқан Қазақстан-Грузия сауда-экономикалық ынтымақтастық жөніндегі Үкіметаралық комиссиясының 11-ші отырысының қорытындылары туралы егжей-тегжейлі айтып берсем.

Өздеріңіз білетіндей, Грузия мен Қазақстан арасындағы сауда-экономикалық әріптестіктің маңыздылығы зор. Дипломатиялық қатынастар орнаған сәттен бастап екіжақты байланыс жоғары қарқынмен дамып келеді. Екі ел арасында орнатылған сындарлы диалог сауда-экономикалық, ауыл шаруашылығы, туризм және басқа да салалардағы ынтымақтастықты дамытуға ықпал етеді.

🔹 САУДА-ЭКОНОМИКАЛЫҚ ЫНТЫМАҚТАСТЫҚ
✔️Грузия сиыр етін, сүт және макарон өнімдерін, өсімдік майын, бидай ұнын сатып алуға қызығушылық танытып отыр. Бұл ретте тауарларын экспортқа шығаруға мүдделі қазақстандық кәсіпорындардың тізімін ұсынуға дайынбыз. Сондай-ақ экономиканың түрлі салаларында 40 тауар бойынша қазақстандық өнімнің Грузияға қатысты экспортын ұлғайтуды көздейміз.
✔️ Қазақстандық астық өнімін экспорттаушылар Грузияға бидай жеткізуге дайын. Бұдан басқа, біз грузин импорттаушыларына бидай, күнбағыс және басқа да дақылдар бойынша форвардтық астық сатып алуға қатысуды ұсынып отырмыз.

🔹 КӨЛІК САЛАСЫНДАҒЫ ЫНТЫМАҚТАСТЫҚ
✔️ Транскаспий халықаралық көлік бағыты екі ел арасындағы сауда-саттықты одан әрі кеңейту барысында катализатор болады. Осы ретте Каспий теңізінде 4 паром салуды жоспарлап отырмыз.
✔️ Сондай-ақ отырыс барысында екі тарап автомобиль көлігімен жүк тасымалдау үшін 2022 жылға арналған рұқсат бланкілерімен және 2023 жылға арналған алдын ала квотамен алмасты.

🔹 АЗАМАТТЫҚ АВИАЦИЯ САЛАСЫНДАҒЫ ЫНТЫМАҚТАСТЫҚ
✔️Грузия мен Қазақстанның арасында тұрақты тікелей авиарейстер қамтамасыз етілген. Қазақстандық "Эйр Астана", "Fly Arystan" және "SCAT" авиакомпаниялары тұрақты түрде 19 рейс жасайды. Осы орайда грузиялық авиакомпанияларды екі ел арасында тұрақты рейстер ұйымдастыруға шақырдық.

• 01.05.2022
• 284