Осы аптада жұмыс сапарымен Тбилиси қаласына барып, Грузияның вице-премьері, экономика және тұрақты даму министрі Леван Давиташвилимен кездестім

​​Осы аптада жұмыс сапарымен Тбилиси қаласына барып, Грузияның вице-премьері, экономика және тұрақты даму министрі Леван Давиташвилимен кездестім. Әңгіме барысында екі ел арасындағы сауда-экономикалық ынтымақтастықты дамыту перспективалары сияқты маңызды мәселелерді талқыладық.

Бұл ретте Қазақстан мен Грузия арасындағы сауда қатынастарын ұлғайтуда айтарлықтай әлеует байқалатынын айта кеткім келеді. Бүгінгі таңда қазақстандық компаниялар Грузияға тауарлар экспортын арттыруға дайын. Транскаспий халықаралық көлік бағдарын дамыту шеңберінде де екі ел арасында белсенді ынтымақтастық орнаған.

Жұмыс сапары барысында "Дельта" мемлекеттік әскери ғылыми-техникалық орталығына және "ТАМ" Тбилиси авиациялық зауытына барып, кәсіпорынның жұмысымен таныстым, кейін "Поти" және "Батуми" порттарының басшыларымен кездестім.

Сонымен бірге Абай Құнанбайұлының ескерткішінің ашылу салтанатына қатысқаныма қуаныштымын. Бұл екі ел арасындағы достығымыздың тағы бір нышаны болары сөзсіз. Абай мұрасы тек біздің еліміз үшін ғана емес, бүкіл адамзат үшін үлкен құндылық болып табылады.

Сауда-экономикалық ынтымақтастық жөніндегі үкіметаралық комиссия әріптестікті дамыту барысында маңызды рөл атқарады деп санаймын. Осы ретте Қазақстан мен Грузия арасындағы екіжақты әріптестікті дамыту үшін маңызды рөл атқаратын комиссия отырысының жұмысына қатыстым.

Сөзімді қорытындылай келе, өнеркәсіп саласында грузиялық әріптестерімізді ынтымақтастыққа және Қазақстан аумағында бірлескен кәсіпорындар құруға шақырамын. Біз қолдау көрсетуге дайынбыз.

• 01.05.2022
• 342