Қазақстан Республикасы Денсаулық сақтау және әлеуметтік даму министрі Т.Қ. Дүйсенованың Көктем мейрамымен құттықтау сөзі

Құрметті отандастар!

Табиғат заңы бойынша қыстың қыспағынан кейін тіршілік атаулыға жан бітіріп, жасартып, жаңартатын, айналаны көгертетін көктем келеді!

Көпшілік үшін сүйікті бұл жыл мезгілі алғашқы шуақты мереке - 8 наурыз - Халықаралық әйелдер мейрамын өзімен бірге ала келеді!

Ана қуанышы, әйел қуанышы - әр үйдің, отбасының, Отанның мерейі. Ендеше, барлық әже-апаларымызды, әпке-сіңлілерімізді, сұлу аруларымызды осы бір тамаша күнмен шын жүректен құттықтаймын!

Наурыз халқымыздың дәстүрінде ежелден жаңа мен жақсының, мейірім мен имандылықтың бастауы саналады. Бұл күн - жаңару, жасару, рақымшылық уақыты. Ұлыс оң болсын, ақ мол болсын!

Көктем мерекелері отбасыларыңызға бақ пен береке, молшылық пен дәулет болып енсін. Әрқашан еңбектеріңіздің еселі жемісін көріп, әрбір атқан келешектің нұрлы күнімен шаттықта шыңдалып, келелі табыстарға жете берулеріңізге тілектеспін.

Істеріңіз оң, мерейлеріңіз үстем болсын!

Қазақстан Республикасының

Денсаулық сақтау және әлеуметтік

даму министрі Т.Қ.Дүйсенова

• 06.03.2015
• 14940