Агенттігінің кадр резервін қалыптастыру жөніндегі іріктеу шеңберінде резюме қабылдау туралы хабарландыру

Құрметті қазақстандықтар!

Қазіргі уақытта Агенттік кадр резервіне алу үшін үміткерлерді іріктеуді жүргізіп жатқанын еске саламыз.

Жоғары оқу орындарының талантты әрі болашағынан үміт күттірер түлектерін және жұмыс тәжірибесі бар білікті мамандарды шақырамыз.

Кандидаттарды таңдау кезіндегі негізгі критерийлер: тиісті білім, жоғары деңгейдегі біліктілік, жұмыс тәжірибесі, халықаралық қаржы және тіл білу сертификаттарының болуы, сондай-ақ кандидаттың әлеуеті негізгі өлшемшарттар болып табылады.

Үздіктер кезеңдік тәсіл арқылы таңдалатын болады:

1-кезеңде кандидаттарға резюме мен эссе тапсыру ұсынылады.

2-кезеңде резюме мен эссені қарау нәтижелері бойынша іріктелген кандидаттар Агенттіктің мүдделі бөлімшелерінің басшыларымен әңгімелесуге шақырылады (кандидаттың резюмесінде көрсетілген электрондық пошта немесе телефон арқылы).

Іріктеу жеңімпаздары Агенттіктің кадр резервіне алынып, бір жылдың ішінде Агенттікке жұмысқа орналастырылуы мүмкін.

Лауазымдар бойынша ақпарат және оларға қойылатын талаптар қоса беріледі.

Агенттіктің құрылымдық бөлімшелері қызметінің бағыттары туралы ақпаратпен Агенттіктің ресми интернет-ресурсында мына сілтеме бойынша таныса аласыз: https://www.gov.kz/memleket/entities/ardfm/about/structure/2/1?lang=ru.

2022 жылғы 18 сәуір – 17 мамыр (қоса алғанда) аралығындағы кезеңде іріктеуге қатысу үшін Сіз Агенттіктің ресми сайтынан: https://www.gov.kz/memleket/entities/ardfm/press/article/details/82141?lang=kk -  

- «Резюменің» электрондық нұсқасының үлгісін (бұдан әрі – үлгі) жүктеуіңіз;

- үлгіні талаптарға сәйкес толтыруыңыз (жолдар қосылмайды және алып тасталмайды);

 - үлгіні және суретіңіз жапсырылған, Word форматындағы резюмені Anara.Pavanova@finreg.kz, Assel.Yermekova@finreg.kz электрондық мекенжайларына жіберуіңіз қажет.

• 05.05.2022
• 370