Құрметті отандастар! Баршаңызды Отан қорғаушы күнімен шын жүректен құттықтаймын!

Құрметті отандастар! 

Баршаңызды Отан қорғаушы күнімен шын жүректен құттықтаймын!

Бұл – ерлік пен елдікке тағзым ету күні, айбынды әскеріміздің бірегей дәстүрі мен ержүрек бабаларымыздың өшпес ерлігін ұлықтайтын атаулы мереке. Осы орайда әскеріміз мемлекетіміздің даңқын арттырып, ел іргесін берік ету жолында жауынгерлік шеберлік пен асқақ рухтың озық үлгісін көрсетіп келеді.

Бұл мерекеде біз Отан алдындағы парызы мен борышын адал атқарып жүрген азаматтарға құрмет көрсетеміз. Ел тыныштығын күзетіп, әскери борышын өтеп жатқан сарбаздарға шынайы ризашылығымызды білдіреміз.

Тәуелсіз еліміздің шебінің бүтіндігін, шекарасының беріктігін қамтамасыз ету жолындағы әскеріміздің әлеуетті болуы зор маңызға ие.

Мереке күні баршаңызға зор денсаулық, елдік мүдде жолындағы абыройлы қызметтеріңізге толағай табыс тілеймін!

• 11.05.2022
• 240