ТЕАТР АҚСАҚАЛЫНА ҚҰРМЕТ

Қазақтың аса талантты жазушысы Ғабит Мүсіреповтің «Театр – хас сұлудың көз жасындай мөлдір өнер» деген сөзі бар. Ал қала заман талабына сай дамуы үшін мәдени ордалары да бәсекеге қабілетті болуы тиіс. Құрылыс пен рухани байлық үндескенде ғана шаһардың деңгейі көтерілмек. Осы ретте Түркістандағы музыкалық драма театры жұртшылықтың сүйікті орнына айналып келеді. Күні кеше өнер ордасына Асанәлі Әшімов ағамыз шәкірттерімен келіп, қойылымдарын жұрт назарына ұсынды. 
Биыл «Қазақстанның Еңбек Ері», қазақ өнері тарихындағы орны айрықша, кино және театр майталманы Асанәлі Әшімов 85 жасқа толып отыр. Айтулы мерейтой құрметіне Түркістан қаласына Алматыдан «Жаңа ғасыр» театры екі күндік гастрольдік сапарымен келді. Түркістандағы театрымызға бүкіл елдің сүйікті актерінің шәкірттерімен келуі – үлкен оқиға және мәртебе. «Тағдыр тақтасы» қойылымын тамашалап, жақсы әсер алдым. Қадірлі өнер абызының өмір жолына бойлап, шығармашылық иірімдеріне қанықтық. «Жаңа ғасыр» театры өз жолын қалыптастырып келе жатыр екен. Қойылым соңында Асанәлі ақсақал түркістандықтардың қолдауынан шабыт алғандығын жеткізіп, көрерменге ризашылығын білдірді. Біз де қадірлі азаматқа ұзақ өмір, зор денсаулық тілейміз.

• 11.05.2022
• 253