ЕШКІМ КӨМЕКСІЗ ҚАЛМАЙДЫ

Қазығұрт және Сарыағаш ауданында нөсер жауыннан зардап шеккен отбасылардың ешбірі көмексіз қалмайды. Мемлекет басшысы Қасым-Жомарт Тоқаевтың тапсырмасымен, облыстық комиссия құрылып, жұмыс істеп жатыр. Осы жұмыстарды қадағалау әрі елдің өтініші мен сұрақтарын тыңдау мақсатында Қазығұрт ауданына бардым. Жұмыс барысын қадағалап, тиісті шешімдер қабылдадым. 
Үй жануарларының шығынына ережеге сәйкес өтемақы төленіп, тұрғын үйлер қалпына келтіріледі. Шаруашылық ғимараттарды жөндеуге көмек көрсетіледі. Комиссия тарапынан мал басы нақтыланып, ғимараттар мен үйлер, қосымша құрылыс құны есептелуде.
Екі ауданда нөсерден зардап шеккен отбасылардың әрбір мүшесіне Болат Өтемұратов қоры атынан қаржылай көмек көрсетілді. Шығындарды өтеу үшін облыстық бюджеттен де қолдау көрсетіліп жатыр. Осы ретте облысымыздың ерікті жастарына, депутаттарына алғыс білдіргім келеді. Алғаш күннен бастап, жалпы 800-ден астам жанашырлар мен астам ерікті жастар зардап шеккен тұрғындарға көмектерін аямады. Құтқару жұмыстарына облыстық төтенше жағдайлар департаментінің және жергілікті атқарушы органдардың 100-ден аса қызметкері жұмылдырылды. Біз ауылдарды қалпына келтіреміз. Бұл мәселе бақылауда тұр.

• 11.05.2022
• 295